پروكۋراتۋرا ورگاندارىنا سايلاۋعا قاتىستى 20 ٶتٸنٸش كەلٸپ تٷستٸ. بۇل تۋرالى ورتالىق سايلاۋ كوميسسيياسىنىڭ وتىرىسىندا قر باس پروكۋرورىنىڭ ورىنباسارى بولات دەمباەۆ مەلٸم ەتتٸ, دەپ حابارلايدى قازاقپارات.
«پروكۋراتۋرا ورگاندارى سايلاۋ پروتسەسٸنٸڭ ەر كەزەڭٸندە زاڭنامانىڭ ساقتالۋىنا قاداعالاۋ جٷرگٸزدٸ. سايلاۋ كوميسسييالارى, مەملەكەتتٸك ورگاندار تاراپىنان قانداي دا بٸر زاڭ بۇزۋشىلىق تٸركەلمەدٸ. قىلمىستىق قۇقىق بۇزۋ جاعدايلارى تٸركەلمەدٸ. الايدا تالاپتاردى بۇزۋ وقيعالارى انىقتالعانىن ايتا كەتكەن جٶن. بۇقارالىق اقپارات قۇرالىندا سايلاۋ بويىنشا قوعامدىق پٸكٸرگە ساۋالناما جٷرگٸزۋ شارتىن بۇزۋدىڭ بٸر فاكتٸسٸ, ٷگٸت-ناسيحات ماتەريالىن بٷلدٸرۋدٸڭ ەكٸ فاكتٸسٸ, زاڭسىز ٷگٸت-ناسيحاتتىڭ 10 جاعدايى تٸركەلدٸ. وسىلار بويىنشا پروكۋراتۋرا ورگاندارى ەكٸمشٸلٸك ٸس قوزعادى. بۇل تۇرعىدا 13 ادام جاۋاپكەرشٸلٸككە تارتىلدى», - دەدٸ ب. دەمباەۆ.
ونىڭ ايتۋىنشا, ٷگٸت-ناسيحات ماتەريالىن بٷلدٸرگەنٸ ٷشٸن ەلوردانىڭ بٸر تۇرعىنى مەن اقتاۋ قالاسىنداعى بٸر ادام 15 اەك سوماسىندا ايىپپۇل تٷرٸندە جازاعا تارتىلدى.
ب. دەمباەۆ پروكۋراتۋرا ورگاندارىنا كەلٸپ تٷسكەن ٶتٸنٸمدەر ەرەكشە قاداعالاۋدا ەكەنٸن اتاپ ٶتتٸ.
«جالپى پروكۋراتۋرا ورگاندارىنا سايلاۋ بويىنشا 20 ٶتٸنٸش كەلٸپ تٷستٸ. ولاردىڭ بارلىعى زاڭنامادا بەكٸتٸلگەن مەرزٸمدە قارالدى. ازاماتتار كٶبٸنەسە سايلاۋ كوميسسيياسى, مەسليحاتتار مەن ەكٸمدٸكتەر قۇزىرەتٸندەگٸ مەسەلەلەر بويىنشا جٷگٸنگەن. وسىعان بايلانىستى 10 ٶتٸنٸش ولارعا قايتا جولداندى, ال توعىزى بويىنشا تٷسٸنٸكتەمە بەرٸلدٸ», - دەدٸ ول.
