Prokýratýra organdaryna sailaýǵa qatysty 20 ótinish kelip tústi. Bul týraly Ortalyq sailaý komissiiasynyń otyrysynda QR Bas prokýrorynyń orynbasary Bolat Dembaev málim etti, dep habarlaidy QazAqparat.
«Prokýratýra organdary sailaý protsesiniń ár kezeńinde zańnamanyń saqtalýyna qadaǵalaý júrgizdi. Sailaý komissiialary, memlekettik organdar tarapynan qandai da bir zań buzýshylyq tirkelmedi. Qylmystyq quqyq buzý jaǵdailary tirkelmedi. Alaida talaptardy buzý oqiǵalary anyqtalǵanyn aita ketken jón. Buqaralyq aqparat quralynda sailaý boiynsha qoǵamdyq pikirge saýalnama júrgizý shartyn buzýdyń bir faktisi, úgit-nasihat materialyn búldirýdiń eki faktisi, zańsyz úgit-nasihattyń 10 jaǵdaiy tirkeldi. Osylar boiynsha prokýratýra organdary ákimshilik is qozǵady. Bul turǵyda 13 adam jaýapkershilikke tartyldy», - dedi B. Dembaev.
Onyń aitýynsha, úgit-nasihat materialyn búldirgeni úshin elordanyń bir turǵyny men Aqtaý qalasyndaǵy bir adam 15 AEK somasynda aiyppul túrinde jazaǵa tartyldy.
B. Dembaev prokýratýra organdaryna kelip túsken ótinimder erekshe qadaǵalaýda ekenin atap ótti.
«Jalpy prokýratýra organdaryna sailaý boiynsha 20 ótinish kelip tústi. Olardyń barlyǵy zańnamada bekitilgen merzimde qaraldy. Azamattar kóbinese sailaý komissiiasy, máslihattar men ákimdikter quzyretindegi máseleler boiynsha júgingen. Osyǵan bailanysty 10 ótinish olarǵa qaita joldandy, al toǵyzy boiynsha túsinikteme berildi», - dedi ol.
