باس پروكۋراتۋرادا باس پروكۋرور عيزات نۇردەۋلەتوۆتىڭ تٶراعالىعىمەن كەڭەيتٸلگەن القا وتىرىسى ٶتٸپ, وندا 2019 جىلى اتقارىلعان جۇمىستار قورىتىندىلاندى, دەپ حابارلايدى "ۇلت اقپارات".
باس پروكۋرور اتاپ ٶتكەندەي, ەلدەگٸ كريمينوگەندٸك جاعداي جاقسارعان. ٶتكەن جىلمەن سالىستىرعاندا قىلمىستىق قۇقىق بۇزۋشىلىقتار سانى 17 %-عا ازايدى. كٸسٸ ٶلتٸرۋ 11%-عا, بۇزاقىلىق 28%-عا, ەسٸرتكٸ قىلمىسى 12%-عا قىسقارعان.
«بٸز كەز كەلگەن زاڭ بۇزۋشىلىقتارعا دەر كەزٸندە تٶتەپ بەرۋگە تيٸسپٸز. ەڭ تٸمدٸسٸ, ولارعا جول بەرمەۋ», - دەدٸ باس پروكۋرور.
ول سونداي-اق قۇقىقبۇزۋشىلىقتىڭ الدىن-الۋ مەسەلەلەرٸنە ەگجەي-تەگجەيلٸ توقتالىپ ٶتتٸ.
القا وتىرىسىندا قوعامدىق مٷددەلەردٸ قورعاۋ سالاسىنداعى تەكسەرۋلەردٸڭ نەتيجەلەرٸ تۋرالى ايتىلدى. پروكۋرورلاردىڭ كٶمەگٸمەن 30 مىڭ قىزمەتكەردٸڭ جالاقىسى ٶتەلگەن. بەرەشەكتٸڭ جالپى سوماسى 2 ملرد. تەڭگەدەن استام.
پروكۋرورلىق ىقپال ەتۋ اكتٸلەرٸ بويىنشا 17 مىڭنان استام ادام ەرتٷرلٸ جاۋاپكەرشٸلٸككە تارتىلدى. مەملەكەت كٸرٸسٸنە 30 ملرد تەڭگە ٶندٸرٸپ الىنعان. 37 مىڭ پايدالانىلمايتىن جەر تەلٸمدەرٸ كەرٸ قايتارىلدى.
سوتتاردا 47 ملرد تەڭگە سوماسىندا مەملەكەتتٸڭ مٷددەسٸ قورعالعان.
باس پروكۋرور مەملەكەت باسشىسى جولداۋىنىڭ نەگٸزگٸ باعىتتارىنا ايرىقشا مەن بەردٸ. قىلمىستىق پروتسەستە زاڭدىلىقتى قامتاماسىز ەتۋدە جەنە ادام قۇقىقتارىن ساقتاۋدا پروكۋرورلاردىڭ ٷيلەستٸرۋشٸ رٶلٸنە باسا نازار اۋداردى.
اعىمداعى جىلى پروكۋرورلار 219 ادامدى نەگٸزسٸز قۋدالاۋدى توقتاتتى. قىزمەتتٸك ٷي-جايلاردان جەنە يزولياتورلاردان 725 زاڭسىز ۇستالعان ادام بوساتىلعان.
پروكۋرورلاردىڭ ٶتٸنٸشتەرٸ مەن نارازىلىقتارى بويىنشا سوتتار 1172 ازاماتقا قاتىستى ٷكٸمدٸ قايتا قارادى. پروكۋرورلاردىڭ باستاماسىمەن 36 ادام اقتالعان.
قاداعالاۋ ورگانىنىڭ جۇمىسىن قورىتىندىلاي كەلە, عيزات نۇردەۋلەتوۆ ازاماتتاردىڭ كونستيتۋتسييالىق قۇقىقتارىن قورعاۋ, قوعامدا قۇقىقتىق تەرتٸپتٸ قامتاماسىز ەتۋ بويىنشا بارلىق كٷش-جٸگەردٸ جۇمساۋدى تاپسىردى.
«پروكۋراتۋرا ورگاندارىنىڭ قولجەتٸمدٸلٸگٸن ودان ەرٸ ارتتىرۋ قاجەت. ەربٸر ارىز بويىنشا جەدەل ەرٸ تىنىمسىز جۇمىس ٸستەۋ كەرەك. جۇرتشىلىقپەن ەتەنە قارىم-قاتىناس- نەگٸزگٸ باسىمدىقتاردىڭ بٸرٸ. بٸز رەسمي كٶزقاراستان مٷلدەم ارىلۋىمىز قاجەت», - دەپ تٷيٸندەدٸ سٶزٸن باس پروكۋرور.
«القا وتىرىسىنىڭ قورىتىندىسى بويىنشا قاداعالاۋ ۆەدومستۆوسىنىڭ باسشىسى الداعى جىلعا ارنالعان باسىم مٸندەتتەردٸ ايقىنداپ, نەگٸزگٸ باعىتتاردى بەلگٸلەدٸ», دەلٸنگەن باس پروكۋراتۋرانىڭ باسپاسٶز حابارلاماسىندا.
