پارلامەنت سەناتىنىڭ تٶراعاسى قاسىم-جومارت توقاەۆ قازاقستان پرەزيدەنتٸنٸڭ مازمۇندى باستامالارىن كەيبٸر مەملەكەتتٸك قۇرىلىمدار قىسقا مەرزٸمدٸ ناۋقانعا اينالدىرىپ جٸبەرگەنٸن ايتتى, دەپ حابارلايدى "ۇلت اقپارات".
«ەلەمدٸك ساراپشىلاردىڭ باعالاۋى بويىنشا قازاقستاندا جالپىۇلتتىق جەنە جاھاندىق مٸندەتتەردٸ جٷزەگە اسىرۋعا قابٸلەتتٸ, شىعارماشىلىق ويلاۋ ەلەۋەتٸ جوعارى, الدىنا بيٸك ماقساتتار قويا بٸلەتٸن جاستار از ەمەس. بٸزدٸڭ, پارلامەنتشٸلەردٸڭ الدىندا تۇرعان مٸندەت - وسىنداي دارىندى جاستارعا قاجەتتٸ قۇقىقتىق جاعداي جاساۋ. جاستار جىلىنىڭ مەن-ماڭىزى دا وسىندا. كەزٸندە پرەزيدەنت جالپىعا ورتاق ەڭبەك قوعامىن قۇرۋ جٶنٸندە تاپسىرما بەرگەن بولاتىن. مازمۇنى ٶتە سالماقتى ماڭىزدى باستامانى تيٸستٸ مەملەكەتتٸك قۇرىلىمدار ۇرانشىلدىققا سالىپ, قىسقا مەرزٸمدٸ ناۋقانعا اينالدىرىپ جٸبەرگەنٸن مويىنداۋ قاجەت. شىن مەنٸندە, بٸز جالپىعا ورتاق ەڭبەك قوعامى يدەياسىن العا تارتا وتىرىپ, بارشا حالىقتىڭ, سونىڭ ٸشٸندە جاستاردىڭ ۇلتتىق وي-ساناسى مەن مٸنەز-قۇلقىن تٷبەگەيلٸ قايتا قاراۋ مەسەلەسٸنە نازار اۋدارۋىمىز قاجەت», - دەپ توقتالدى قاسىم-جومارت توقاەۆ جاستار جىلىن ٶتكٸزۋ اياسىندا تۇرعان ماقساتتارعا ارنالعان دٶڭگەلەك ٷستەل وتىرىسىندا.
ونىڭ اتاپ ٶتۋٸنشە, جاڭا عاسىردا بٸزدٸڭ الدىمىزدا تەرەڭ ويلى, ەڭبەكقور, سىندارلى, تٶزٸمدٸ, ۇتقىر جەنە جاڭاشىلدىققا ۇمتىلعان ۇلتتىڭ جاڭا بەينەسٸن, دەمەك, بەسەكەگە قابٸلەتتٸ ۇلت يەسٸن قالىپتاستىرۋ مٸندەتٸ تۇر. جوعارى وقۋ ورىندارىنداعى باعدارلامالاردىڭ مازمۇنى جاستاردى دەل وسى زاماناۋي قاسيەتتەرگە باۋلۋى تيٸس. وسى ورايدا, وتاندىق جوعارى بٸلٸم بەرۋ جٷيەسٸنٸڭ كٶشٸن باستاپ تۇرعان - نازارباەۆ ۋنيۆەرسيتەتٸ ەلٸمٸزدەگٸ بٸلٸم وردالارىنا باعدار بەرە الاتىنىن ەسكەرۋ قاجەت.
«ەلباسى ۇسىنعان «رۋحاني جاڭعىرۋ» باعدارلاماسى, ەڭ الدىمەن, جاستاردىڭ ماقسات-مٷددەسٸن كٶزدەيتٸن بٸرەگەي جوبا. بۇل قوعامدى جاھاندىق ٶركەنيەتتٸڭ تەڭدەسسٸز جەتٸستٸكتەرٸمەن تانىستىراتىن, جاڭا قۇندىلىقتارعا, اتاپ ايتقاندا, سىندارلى كٶزقاراس پەن ەڭبەككە دەگەن سٷيٸسپەنشٸلٸككە تەربيەلەيتٸن كەڭ اۋقىمدى باعدارلاما. الايدا, بٸز حالقىمىزدىڭ رۋحاني مۇراسىنا ادال بولىپ, ٶتكەننٸڭ ساباقتارىن ۇمىتپاۋىمىز قاجەت. پرەزيدەنتتٸڭ «ۇلى دالانىڭ جەتٸ قىرى» ماقالاسى دا - جاستاردى ۇلتتىق قۇندىلىقتارعا باۋليتىن ٶتە كەرەمەت تۋىندى. مەملەكەت باسشىسىنىڭ ماقالاسى جاس ۇرپاقتى اتا-بابالارىمىز مۇرا ەتكەن جەتٸستٸكتەرمەن تانىستىراتىن قۇندى دٷنيە», - دەدٸ سەنات سپيكەرٸ.
