قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا پرەزيدەنتتٸك جاستار كادر رەزەرۆٸنە ەنگەن قازاقستاندىقتار تۋرالى ايتىپ بەردٸ, دەپ حابارلايدى قازاقپارات.
«مەملەكەت باسشىسى قاسىم-جومارت توقاەۆتىڭ «يگٸلٸك بارشاعا! ساباقتاستىق. ەدٸلدٸك. ٶرلەۋ» سايلاۋالدى باعدارلاماسىندا اگەنتتٸكتٸڭ الدىنا پرەزيدەنتتٸك جاستار كادر رەزەرۆٸن قالىپتاستىرۋ مٸندەتٸ قويىلدى. بٷگٸن بٸز پرەزيدەنتتٸك جاستار كادر رەزەرۆٸنە ٸرٸكتەۋدٸڭ اياقتالعانىن قۋانىشپەن حابارلايمىز», - دەدٸ انار جايىلعانوۆا قر پرەزيدەنتٸ جانىنداعى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
پرەزيدەنت باستاماسىنا العاشىندا 13 مىڭنان استام قازاقستاندىق قاتىسۋعا نيەت بٸلدٸرگەن ەدٸ. قاتىسۋشىلارعا وتىز بەس جاستان اسپاعان, جوعارى بٸلٸمٸ جəنە بەس جىلدان كەم ەمەس ەڭبەك ٶتٸلٸ بار قازاقستان رەسپۋبليكاسىنىڭ ازاماتى بولۋى تيٸس دەگەن تالاپتار قويىلدى.
قويىلعان تالاپتارعا سەيكەس ٸرٸكتەلگەن 300 رەزەرۆشٸنٸڭ بارلىعى 6 كەزەڭنەن تۇراتىن قاتاڭ ٸرٸكتەۋدەن ٶتتٸ.
«جەڭٸمپازدار اراسىندا جەكە سەكتوردىڭ 106 ٶكٸلٸ, كۆازيمەملەكەتتٸك سەكتوردىڭ 98 قىزمەتكەرٸ جەنە 96 مەملەكەتتٸك قىزمەتكەر بار. كانديداتتاردىڭ 58% الدىڭعى قاتارلى شەتەلدٸك بٸلٸمٸ بار, 42% - قازاقستاندىق جوو تٷلەكتەرٸ. 6 ادام عىلىم دوكتورى, 204 ادام - ماگيستر دەرەجەسٸنە يە», - دەدٸ انار جايىلعانوۆا.
ٸرٸكتەۋ جەڭٸمپازدارىنىڭ ورتاشا جاسى 31-دٸ قۇرادى. سونىمەن بٸرگە, رەزەرۆشٸلەر ەكونوميكانىڭ تٷرلٸ سالالارىندا ايتارلىقتاي تەجٸريبەگە يە. ولاردىڭ كٶپشٸلٸگٸ ەكونوميكانىڭ تٷرلٸ سالالارىندا ٸرٸ شەتەلدٸك جەنە ترانسۇلتتىق كومپانييالاردا جۇمىس ٸستەگەن نەمەسە ەلٸ دە جۇمىس ٸستەيدٸ.
«رەزەرۆ ٸرٸكتەۋٸنە شەتەلدە جٷرگەن قازاقستاندىقتار دا بەلسەنە قاتىستى. قاتىسۋشىلار ەلٸمٸزدٸڭ بارلىق ايماقتارىنان, سونداي-اق جاقىن جەنە الىس شەتەلدەردەن (ەزەربايجان, ۇلىبريتانييا, گەرمانييا, رەسەي, تٷركييا جەنە فرانتسييا) كەلدٸ. ٶڭٸرلەر اراسىندا ٷمٸتكەرلەردٸڭ ەڭ كٶبٸ الماتى (46), قاراعاندى (41) جەنە شىعىس قازاقستان وبلىسىنان (30) كەلدٸ», - دەدٸ اگەنتتٸك باسشىسى.
ۇلتتىق كوميسسييانىڭ قاراۋىنا تاڭدالعان ٷمٸتكەرلەر قاتارىنا تٷرلٸ ۇلت ٶكٸلدەرٸ بار, سونىڭ ٸشٸندە قازاقتار, ورىستار, ەزەربايجاندار, ارمياندار, نەمٸستەر جەنە تاتارلار بار.
ايتا كەتەيٸك, پرەزيدەنتتٸك جاستار كادر رەزەرۆٸنە ەنگەن 300 ٷزدٸك قازاقستاندىقتار تٸزٸمٸن رەسمي سايتتان كٶرۋگە بولادى.
