يممۋنداۋ پروتسەسٸن جالعان پاسپورتتار تەجەپ وتىر. پرەزيدەنت قاسىم-جومارت توقاەۆ ەلدەگٸ سانيتارلىق-ەپيدەميولوگييالىق احۋال جٶنٸندەگٸ جۇمىس كەڭەسٸندە وسىلاي مەلٸم ەتتٸ, دەپ حابارلايدى "ۇلت اقپارات".
«يممۋنداۋ پروتسەسٸن تەجەيتٸن تاعى بٸر ٶزەكتٸ مەسەلە – جالعان ۆاكتسيناتسييا پاسپورتى. بۇل جاعىمسىز قۇبىلىستىڭ تارالۋىمەن بايلانىستى كەز كەلگەن ەرەكەتتٸ تەز ارادا توقتاتۋ ماڭىزدى. جۇمىس باستالدى, ونى جالعاستىرۋ كەرەك», - دەگەن پرەزيدەنت ٸشكٸ ٸستەر مينيسترلٸگٸ جانىنان قوعام ٶكٸلدەرٸ مەن حالىقتان اقپارات الىپ, ٶڭدەيتٸن ۆەدومستۆوارالىق ارنايى توپ قۇرۋدى تاپسىردى.
«ۆاكتسيناتسييا تٶلقۇجاتتارىن قولدان جاساۋعا جول بەرگەن ادامدارعا قاتاڭ جازا قولدانۋدى تاپسىرامىن. مەن بۇل مەسەلەنٸ كەڭەيتٸلگەن وتىرىستا كٶتەردٸم. ەڭگٸمە ەلدٸڭ ۇلتتىق قاۋٸپسٸزدٸگٸ تۋرالى بولىپ وتىر», - دەدٸ قاسىم-جومارت توقاەۆ.
