پرەزيدەنت تاپسىرماسىنا سەيكەس, بٷگٸنگٸ كٷنٸ مٷمكٸندٸگٸ شەكتەۋلٸ جاندارعا بارىنشا جاعداي جاساۋ ٷشٸن كەشەندٸ جۇمىستار جٷرگٸزٸلٸپ جاتىر. بۇل تۋرالى «حابار 24» تەلەارناسىنداعى «انىعىن ايتقاندا» باعدارلاماسىندا قر پرەزيدەنتٸنٸڭ كٶمەكشٸسٸ ەرلان قارين ايتتى, دەپ حابارلايدى قازاقپارات.
ەفير بارىسىندا ەرلان كارين مەملەكەت باسشىسى ۇلتتىق قوعامدىق سەنٸم كەڭەسٸنٸڭ V وتىرىسىندا كٶتەرگەن مەسەلەلەرگە توقتالدى.
«سوڭعى جىلدارى سالىنعان نىسانداردا مٷگەدەكتەرگە ارنالعان پاندۋستار قاراستىرىلعان. بۇرىن سالىنعان عيماراتتاردا جوق. پرەزيدەنت وسى مەسەلەنٸ شەشۋدٸڭ جولىن ايتتى. ول «مٷمكٸندٸگٸ شەكتەۋلٸ ازاماتتار جيٸ باراتىن عيماراتتاردىڭ تٸزٸمٸ مەن قولجەتٸمدٸ نىسانداردىڭ كارتاسىن ەزٸرلەۋ كەرەك», دەدٸ. وسىعان وراي, قازٸر مٷمكٸندٸگٸ شەكتەۋلٸ ازاماتتاردى ەلەۋمەتتٸك قورعاۋ بويىنشا ارنايى پورتال بار. سول پورتالدا كارتانىڭ العاشقى جوباسى دايىندالدى. ونىڭ ٸشٸندە 35 مىڭعا جۋىق وسىنداي نىسان ەنگٸزٸلدٸ. الداعى ەكٸ-ٷش جىلدا تاعى قوسىمشا 20 مىڭ عيمارات تٸزٸمگە قوسىلادى. سودان كەيٸن ولار مٷگەدەك ادامدارعا ىنعايلى ەتٸپ جاسالادى», - دەيدٸ پرەزيدەنت كەڭەسشٸسٸ.
سونىمەن قاتار, ول پرەزيدەنت مٷمكٸندٸگٸ شەكتەۋلٸ ازاماتتاردىڭ مٷگەدەكتٸگٸن راستاۋ ٷشٸن جىل سايىن ٶتەتٸن كوميسسييا پروتسەسٸن بارىنشا جەڭٸلدەتۋگە تاپسىرما بەرگەنٸن تٸلگە تيەك ەتتٸ. «جىل سايىن مٷمكٸندٸگٸ شەكتەۋلٸ ازاماتتار ٶزدەرٸنٸڭ مٷگەدەكتٸگٸن راستاۋ ٷشٸن كوميسسييادان ٶتۋ كەرەك. ودان ٶتۋگە كەيبٸر ادامداردىڭ جاعدايى كەلمەيدٸ. مەملەكەت باسشىسىنىڭ تاپسىرماسىنا سەيكەس, پروتسەستٸ جەڭٸلدەتۋ ٷشٸن قاشىقتان ٶتۋ جوباسى قولعا الىندى. بٷگٸنگٸ كٷنٸ بۇل جوبا بٸرنەشە وبلىستا جٷزەگە اسىپ جاتىر», - دەيدٸ ەرلان كارين.
