Prezident tapsyrmasyna sáikes, búgingi kúni múmkindigi shekteýli jandarǵa barynsha jaǵdai jasaý úshin keshendi jumystar júrgizilip jatyr. Bul týraly «Habar 24» telearnasyndaǵy «Anyǵyn aitqanda» baǵdarlamasynda QR Prezidentiniń kómekshisi Erlan Qarin aitty, dep habarlaidy QazAqparat.
Efir barysynda Erlan Karin Memleket basshysy Ulttyq qoǵamdyq senim keńesiniń V otyrysynda kótergen máselelerge toqtaldy.
«Sońǵy jyldary salynǵan nysandarda múgedekterge arnalǵan pandýstar qarastyrylǵan. Buryn salynǵan ǵimarattarda joq. Prezident osy máseleni sheshýdiń jolyn aitty. Ol «múmkindigi shekteýli azamattar jii baratyn ǵimarattardyń tizimi men qoljetimdi nysandardyń kartasyn ázirleý kerek», dedi. Osyǵan orai, qazir múmkindigi shekteýli azamattardy áleýmettik qorǵaý boiynsha arnaiy portal bar. Sol portalda kartanyń alǵashqy jobasy daiyndaldy. Onyń ishinde 35 myńǵa jýyq osyndai nysan engizildi. Aldaǵy eki-úsh jylda taǵy qosymsha 20 myń ǵimarat tizimge qosylady. Sodan keiin olar múgedek adamdarǵa ynǵaily etip jasalady», - deidi Prezident keńesshisi.
Sonymen qatar, ol Prezident múmkindigi shekteýli azamattardyń múgedektigin rastaý úshin jyl saiyn ótetin komissiia protsesin barynsha jeńildetýge tapsyrma bergenin tilge tiek etti. «Jyl saiyn múmkindigi shekteýli azamattar ózderiniń múgedektigin rastaý úshin komissiiadan ótý kerek. Odan ótýge keibir adamdardyń jaǵdaiy kelmeidi. Memleket basshysynyń tapsyrmasyna sáikes, protsesti jeńildetý úshin qashyqtan ótý jobasy qolǵa alyndy. Búgingi kúni bul joba birneshe oblysta júzege asyp jatyr», - deidi Erlan Karin.
