ەلٸمٸزدە قۇرىلىس ماتەريالدارى باعاسىنىڭ 15%-عا ارزانداۋى كٷتٸلۋدە. بۇل تۋرالى قر يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ ايتتى, دەپ حابارلايدى قازاقپارات.
«قۇرىلىس ماتەريالدارى باعاسىنىڭ نەگٸزسٸز ٶسۋٸن تٶمەندەتۋ ماقساتىندا «ماركەتپلەيس» اتتى ارنايى اقپاراتتىق الاڭ قۇرۋ كٶزدەلٸپ وتىر. ياعني, وتاندىق قۇرىلىس ماتەريالدارىن ونلاين ساتۋ الاڭى. مەملەكەتتٸڭ قولداۋىمەن قۇرىلىس ماتەريالدارىن ساتۋعا ارنالعان ونلاين ساۋدا الاڭى بەلگٸلەنگەن باعانى ۇستاپ تۇرۋعا مٷمكٸندٸك بەرەدٸ. بۇل ٶز كەزەگٸندە باعانىڭ 15 پايىزعا ارزانداۋىنا جەنە قۇرىلىس ماتەريالدارى نارىعىنىڭ اشىقتىعىن قامتاماسىز ەتەدٸ», - دەدٸ ق. ٶسكەنباەۆ وكق-دە ٶتكەن باسپاسٶز مەسليحاتىندا.
ۆيتسە-مينيستردٸڭ مەلٸمدەۋٸنشە, ٶتكەن جىلى «نۇرلى جەر» مەملەكەتتٸك باعدارلاماسى اياسىندا قۇرىلىس ماتەريالدارىن ٶندٸرۋشٸلەر مەن قۇرىلىس كومپانييالارىنا ارنالعان www.stroimaterial.kz سايتى ٸسكە قوسىلدى.
«اتالعان سايت «نۇرلى جەر» مەملەكەتتٸك باعدارلاماسى اياسىندا جٷزەگە اسىرىلعان بٸرٸنشٸ جوبا, ال ەندٸ قولعا الىنعان «ماركەتپلەيس» سونىڭ جالعاسى, ەكٸنشٸ كەزەڭ دەۋگە بولادى. بۇل ونلاين ساۋدا الاڭىندا ٶندٸرۋشٸلەر ٶز ٶنٸمدەرٸن ۇسىنا الادى. وندا بارلىق پروتسەسس ونلاين تٷردە جٷرگٸزٸلەدٸ, ياعني كەلٸسٸمشارتتار ەتسق (ەلەكتروندى تسيفرلىق قولتاڭبا) كٶمەگٸمەن جاسالادى. سونداي-اق, لوگيستيكالىق كومپانييالاردىڭ تاۋاردى جەتكٸزۋٸن باقىلايتىن ارنايى فۋنكتسييا ٸسكە قوسىلاتىن بولادى», - دەيدٸ ول.
