قازاقستاندا جاس عالىمدارعا قانداي جاعداي جاسالعان. عىلىمعا قىزىعۋشى مامانداردىڭ قانداي مٷمكٸندٸكتەرٸ بار? وسى جەنە ٶزگە دە وتاندىق عالىمدار تاقىرىبىنا ارنالعان سۇراقتارعا قر بٸلٸم جەنە عىلىم مينيسترلٸگٸ عىلىم كوميتەتٸنٸڭ تٶراعاسى جاننا قۇرمانعاليەۆا جاۋاپ بەردٸ, دەپ حابارلايدى قازاقپارات.
«بىلتىر مەملەكەت باسشىسى جولداۋىندا جاس عالىمدارعا ارنالعان جىلىنا كەم دەگەندە 1 مىڭ وقۋ گرانتىن بٶلۋدٸ تاپسىردى. وسى ورايدا بيىلدان باستاپ PhD عالىمدارعا 3 جىلدىق عىلىم گرانتى قاراستىرىلىپ وتىر. جالپى گرانتتىڭ قۇنى 24 ملن تەڭگە ياعني جاس عالىمعا جىلىنا 8 ملن تەڭگە بٶلٸنەدٸ. جەنە 1 مىڭ اقش دوللارى كٶلەمٸندە ستيپەندييا تٶلەنبەك. گرانتتى ۇتىپ الۋدىڭ ەكٸ شارتى بار. بٸرٸنشٸدەن, جاس عالىمنىڭ عىلىمي جەتەكشٸسٸ بولۋ كەرەك. ەكٸنشٸدەن, ٷمٸتكەردٸڭ شەتەلدٸك عىلىمي كونسۋلتانتى بولۋى تيٸس. ەڭ باستىسى عىلىممەن اينالىسامىن, قازاقستاندىق عىلىمعا ٷلەسٸمدٸ قوسامىن دەگەن تالپىنىسى بولعانى جٶن. ودان بٶلەك, ٶزٸنٸڭ عىلىمي تاقىرىبى, يدەياسى بولعانى ابزال», - دەدٸ جاننا قۇرمانعاليەۆا وكق-دە ٶتكەن باسپاسٶز مەسليحاتىندا.
ونىڭ ايتۋىنشا, سوڭعى ۋاقىتتا وتاندىق جاس عالىمدارعا ەرەكشە نازار اۋدارىلىپ جاتىر.
«بٷگٸندە جاس عالىمداردىڭ قاتىسۋىمەن ەلٸمٸزدە 315 عىلىمي جوبا ٸسكە اسىرىلىپ جاتىر, ول ٷشٸن 17,8 ملرد تەڭگە قاراستىرىلعان. پرەزيدەنتتٸڭ تاعى بٸر تاپسىرماسى وتاندىق عالىمداردىڭ شەتەلدەن تاعىلىمدامادان ٶتۋٸ. تاپسىرماعا ساي جىل سايىن 500 قازاقستاندىق عالىم شەتەلدٸڭ تانىمال وقۋ ورىندارىنان تاعىلىمدامادان ٶتۋٸ تيٸس. بٷگٸندە «بولاشاق» باعدارلاماسى ارقىلى 49 وتاندىق جاس عالىم شەتەلدەن تاعىلىمدامادان ٶتۋ مٷمكٸندٸگٸنە يە بولىپ وتىر. سول ٷردٸس جىل سوڭىنا دەيٸن جالعاسىن تابادى. وسىلايشا جاس عالىمدارىمىزدىڭ ەلەمنٸڭ كەز-كەلگەن جەرٸندە وزىق تەجٸريبە الىپ, عىلىممەن اينالىسۋعا مٷمكٸندٸگٸ بار», - دەيدٸ ول.
سونداي-اق, كوميتەت باسشىسى بيىل 28 قازاندا قازاقستاندىق عالىمداردىڭ شەتەلدەن تاعىلىمدامادان ٶتۋٸنە ارنالعان بايقاۋ ٶتەتٸنٸن تٸلگە تيەك ەتتٸ.
بۇعان دەيٸن حابارلاعانىمىزداي, ەلٸمٸزدە 2025 جىلى عالىمداردىڭ سانى 1,5 ەسەگە كٶبەيەتٸنٸ ايتىلدى.
