فوتو: اقوردا
مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە دەنە شىنىقتىرۋ جەنە سپورت, سونداي-اق ارتىق زاڭنامالىق رەگلامەنتتەۋدٸ بولعىزباۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى, دەپ حابارلايدى Ult.kz.
➤ زاڭ مەملەكەتتٸڭ دەنە شىنىقتىرۋ جەنە سپورت سالاسىن دامىتۋ ساياساتىن جەتٸلدٸرۋگە باعىتتالعان.
➤ ۋەكٸلەتتٸ ورگان باسىم سپورت تٷرلەرٸنٸڭ رەسپۋبليكالىق جەنە ٶڭٸرلٸك تٸزبەسٸن ەزٸرلەيدٸ, جوعارعى جەتٸستٸكتەر سپورتى تٷرلەرٸنٸڭ تٸزٸمٸن جەنە ولاردى بيۋدجەت ەسەبٸنەن قارجىلاندىرۋ تەرتٸبٸن ايقىندايدى.
➤ باسىم سپورت تٷرلەرٸ حالىقارالىق ارەنادا قول جەتكٸزگەن نەتيجەلەرگە قاراي بەكٸتٸلەدٸ. بۇل – وليمپيادا, پاراليمپيادا, سۋردليمپيادا, ازييا, پارازييا ويىندارىنىڭ باعدارلاماسىنا ەنگەن سپورت تٷرلەرٸ, سونداي-اق ۇلتتىق سپورت تٷرلەرٸ.
➤ سپورت فەدەراتسييالارىن اككرەديتتەۋگە قاتىستى ەرەجەلەر جەتٸلدٸرٸلدٸ. ەندٸ ولار ۇلتتىق جەنە جەرگٸلٸكتٸ سپورت فەدەراتسييالارى بولىپ بٶلٸنەدٸ.
➤ شەتەلدٸك لەگيونەرلەردٸ بيۋدجەتتەن جەنە كۆازيمەملەكەتتٸك سەكتور سۋبەكتٸلەرٸنٸڭ قاراجاتى ەسەبٸنەن قارجىلاندىرۋعا تىيىم سالىنادى.
➤ بۇدان بىلاي بيۋدجەت قاراجاتى تەك تٶرت باعىتقا: جوعارى جەتٸستٸكتەر سپورتىنا, ونىڭ ٸشٸندە سپورتتىڭ باسىم تٷرلەرٸنە, مەملەكەتتٸك دەنە شىنىقتىرۋ-سپورت ۇيىمدارىنىڭ قىزمەتٸنە, بۇقارالىق سپورتقا, سپورتتىق ينفراقۇرىلىمدى دامىتۋعا جۇمسالادى.
➤ زاڭعا «سپورتتىق دايارلىقتىڭ ۇلتتىق ستاندارتتارى» ۇعىمى ەنگٸزٸلەدٸ. سوعان سەيكەس سپورتشىلاردى تٶل تانىم-تٷسٸنٸگٸمٸزگە ساي تەربيەلەپ, ولاردىڭ بويىنا دەستٷرلٸ قۇندىلىقتاردى سٸڭٸرۋدٸ كٶزدەيتٸن بٸرىڭعاي دايارلاۋ ستاندارتى ەزٸرلەنەدٸ.
➤ ۋەكٸلەتتٸ ورگانعا دوپينگكە قارسى ەرەجەلەردٸ بۇزعانى ٷشٸن شارا قابىلداۋ ٶكٸلەتتٸلٸگٸ بەرٸلەدٸ.
زاڭنىڭ مەتٸنٸ باسپاسٶزدە جارييالانادى.
