فوتو: اقوردا
قاسىم-جومارت توقاەۆ تەك مەملەكەتتەن بٶلٸنەتٸن قاراجاتقا قاراپ وتىراتىن سپورت فەدەراتسييالارىنىڭ باسشىلارىن سىنعا الدى, دەپ حابارلايدى Ult.kz.
ايتۋىنشا, بٷگٸنگٸ تاڭدا سپورت فەدەراتسييالارى ابىروي-بەدەل جينايتىن قۇرىلىمعا اينالعان. كٶپتەگەن فەدەراتسييانى ٸرٸ بيزنەس ٶكٸلدەرٸ جەنە مەملەكەتتٸك مەكەمە باسشىلارى باسقارىپ وتىرعانىمەن, كەسٸپكەرلەر وسى قوعامدىق ماڭىزى بار ٸسكە ٶز قارجىسىن سالۋعا قۇلىقسىز, تەك مەملەكەتتەن بٶلٸنەتٸن قاراجاتقا قاراپ وتىرادى.
"مەملەكەتتٸك قىزمەتشٸلەر دە وسى جوعارى قوعامدىق لاۋازىمداردى ٶزٸن «جارنامالاۋ» قۇرالى رەتٸندە كٶرەدٸ, ياعني سپورتتىڭ مەنٸسٸنە تەرەڭ بويلامايدى. تٸپتٸ, سپورتشىلاردىڭ جەتٸستٸگٸن ٶزدەرٸنٸڭ جەكە جەڭٸسٸ دەپ سانايتىندار بار. مۇنداي تەرٸس, جاعىمسىز ٷدەرٸسكە توسقاۋىل قويۋ كەرەك. وسى مەسەلە بويىنشا جان-جاقتى تالداۋ جٷرگٸزۋ قاجەت. بۇل جۇمىستى پرەزيدەنت ەكٸمشٸلٸگٸنە تاپسىرامىن", – دەدٸ پرەزيدەنت.
مەملەكەت باسشىسىنىڭ پايىمداۋىنشا, سپورت جەنە دەنە شىنىقتىرۋعا قولداۋ كٶرسەتۋدٸ قۇرمەتتٸ قوعامدىق ميسسييا جەنە ٷلكەن ازاماتتىق جاۋاپكەرشٸلٸك رەتٸندە قاراستىرعان جٶن.
"ەل ٸشٸندە جەنە شەتەلدە اتاق-ابىرويىڭدى اسقاقتاتۋ ٷشٸن فەدەراتسييا باسقارۋ دۇرىس ەمەس. وعان جول بەرۋگە بولمايدى. سوندىقتان مەملەكەت كەسٸپكەرلەردٸ, سونىڭ ٸشٸندە ٸرٸ بيزنەسمەندەردٸ قولدايدى. بٸراق مەملەكەت پەن قوعام دا ولاردىڭ وسىعان ساي ەرەكەت ەتكەنٸن كٷتەدٸ. اتاپ ايتقاندا, بۇل سپورتتى, مىسالى فۋتبولدى كوممەرتسييالاندىرۋ مەسەلەسٸنە قاتىستى. تۋريزم جەنە سپورت مينيسترلٸگٸ مەن سپورت فەدەراتسييالارىنىڭ اراسىندا تەڭ قۇقىلى ديالوگ ٶربٸپ, مٸندەتتەرٸ مەن قۇزىرەتتەرٸ ناقتى ايقىندالعان ىنتىماقتاستىق جولعا قويىلۋعا تيٸس", - دەيدٸ پرەزيدەنت.
قاسىم-جومارت توقاەۆ قازٸر بٸرقاتار سپورت فەدەراتسيياسىنا بيزنەسمەندەردٸڭ, مەتسەناتتاردىڭ جاڭا بۋىنى كەلە باستاعانىن ايتتى. ولارعا سپورتتى دامىتۋ سالاسىنداعى جاعدايدى جاقسارتۋ مٸندەتٸ جٷكتەلٸپ وتىر.
