فوتو: Akorda.kz
پرەزيدەنت قازاقستانعا رەسمي ساپارمەن كەلگەن شۆەيتسارييانىڭ فەدەرالدى كەڭەسشٸسٸ, سىرتقى ٸستەر مينيسترٸ ينياتسيو كاسسيسپەن كەزدەسۋ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ ەكٸ ەل اراسىنداعى تىعىز قارىم-قاتىناس دوستىق پەن ىنتىماقتاستىق رۋحىندا دامىپ كەلە جاتقانىن اتاپ ٶتتٸ.
مەملەكەت باسشىسى شۆەيتسارييانىڭ الماتىداعى قۇرمەتتٸ كونسۋلدىعى قىزمەتٸنٸڭ باستالۋىمەن قۇتتىقتادى. ونىڭ رەسمي اشىلۋ رەسٸمٸنە ينياتسيو كاسسيس قاتىستى.
پرەزيدەنت شۆەيتسارييا قازاقستاننىڭ ەۋروپاداعى نەگٸزگٸ ساياسي, ساۋدا جەنە ەكونوميكالىق سەرٸكتەستەرٸنٸڭ بٸرٸ ەكەنٸن ايتتى. قازٸرگٸ ۋاقىتتا شۆەيتسارييا قازاقستاننىڭ جەتەكشٸ 20 ساۋدا سەرٸكتەسٸنٸڭ قاتارىنا كٸرەدٸ. ەلٸمٸزگە جالپى كٶلەمٸ 32,5 ميلليارد دوللاردان استام ينۆەستيتسييا قۇيعان ٷش ٸرٸ ينۆەستوردىڭ بٸرٸ.
– بٸز قازاقستان ەكونوميكاسىنىڭ پەرسپەكتيۆتٸ سالالارىنا ينۆەستيتسييا قۇيۋعا دايىن جاڭا شۆەيتسارييالىق كومپانييالاردى قولدايمىز. قازاقستان ٷكٸمەتٸ مەن Stadler تەمٸرجول كونتسەرنٸ اراسىندا قول قويىلعان كەلٸسٸمنٸڭ كەلەشەگٸ زور دەپ ويلايمىن. سوندىقتان وسى مەمٸلەنٸڭ جٷزەگە اسىرىلۋ بارىسىن ەرەكشە قاداعالايمىز. بۇل بٸزدٸڭ قارىم-قاتىناسىمىزدىڭ دامۋىنا تىڭ سەرپٸن بەرەدٸ, – دەدٸ قاسىم-جومارت توقاەۆ.
مەملەكەت باسشىسى شۆەيتسارييا كونفەدەراتسيياسىنىڭ پرەزيدەنتٸ الەن بەرسەگە ٸزگٸ تٸلەگٸن جولدادى.
ينياتسيو كاسسيس ەكٸجاقتى ىنتىماقتاستىقتىڭ قازٸرگٸ دامۋ دەڭگەيٸنە وڭ باعا بەرٸپ, ونى نىعايتۋ ٸسٸنە اتسالىسۋعا دايىن ەكەنٸن جەتكٸزدٸ. شۆەيتسارييانىڭ سىرتقى ٸستەر مينيسترٸ ەلٸمٸزدە جٷرگٸزٸلٸپ جاتقان اۋقىمدى رەفورمالاردى جوعارى باعالادى.
– ەكٸجاقتى ساۋدا مەن ينۆەستيتسييا تىعىز بايلانىستارىمىزدىڭ ماڭىزدى باعىتى سانالادى. ٶزٸڭٸز ايتقانداي, ەگەر شۆەيتسارييانىڭ جەكە كومپانييالارى سٸزدٸڭ ەلٸڭٸزگە ينۆەستيتسييا قۇيسا, بۇل رەفورمالارىڭىزدىڭ تابىستى جٷزەگە اسۋىنا, سونداي-اق قارجى سالۋ ٷشٸن جاسالاتىن جاعدايدىڭ جاقسارۋىنا ىقپال ەتەدٸ, – دەدٸ مينيستر.
ەڭگٸمەلەسۋ بارىسىندا ٶڭدەۋ ٶنەركەسٸبٸ, ساۋدا جەنە لوگيستيكا, ماشينا جاساۋ, اۋىل شارۋاشىلىعى, قارجى قىزمەتتەرٸ, تسيفرلاندىرۋ, بٸلٸم بەرۋ سالالارىندا بٸرلەسكەن ينۆەستيتسييالىق جوبالاردى ٸسكە اسىرۋعا ەرەكشە نازار اۋدارىلدى.
سونىمەن قاتار كەزدەسۋدە حالىقارالىق جەنە ٶڭٸرلٸك كٷن تەرتٸبٸندەگٸ ٶزەكتٸ مەسەلەلەر قاراستىرىلدى.
