مەملەكەت باسشىسى قوعامدىق كوميسسييالار ٶز جۇمىسىنا كٸرٸسٸپ كەتكەنٸن ايتتى.
"ادام قۇقىقتارى جٶنٸندەگٸ ۋەكٸل ەلۆيرا ەزٸموۆا, بەلگٸلٸ قۇقىق قورعاۋشىلار: ايمان وماروۆا, جەمٸس تۇرماعامبەتوۆا, ابزال قۇسپان جەنە باسقا دا زاڭگەرلەر جينالىپ, ارنايى كوميسسييالار قۇردى. ولار ەر ٸستٸڭ زاڭدىلىعىن قاراپ جاتىر. قوعامدىق كوميسسييالارعا سەنٸمسٸزدٸك كٶرسەتۋگە ەشقانداي سەبەپ تە, حاقىمىز دا جوق. بيلٸك تە, قۇقىق قورعاۋ ورگاندارى دا جۇمىستارىنا ارالاسپايدى. مەن دە ارالاسپايمىن. ەربٸر قۇقىق بۇزۋشىلىق دەرەگٸ بويىنشا شارالار قابىلدانادى. كٸنەلٸ ادامدار جازاعا تارتىلادى. مەن ٷشٸن ازاماتتارىمىزدىڭ قۇقىعى اسا ماڭىزدى. ەسٸرەسە, قازٸرگٸ تاڭدا مۇنى ەڭ ماڭىزدى مەسەلە دەپ ايتۋعا بولادى. ەربٸر ٸس بويىنشا ەدٸل شەشٸم شىعارۋ مەن ٷشٸن نەگٸزگٸ پرينتسيپ بولىپ تابىلادى", - دەدٸ توقاەۆ.
پرەزيدەنت بۇزاقىلار تۋرالى مەسەلەگە دە توقتالدى. ول كەيبٸر ادامدار جازىقسىز ازاماتتاردى ەش سەبەپسٸز قاماۋعا الدى دەپ ويلاپ, جالعان ۇرانداردى ەل ٸشٸندە تاراتاتىنىن ايتتى.
"بٸراق, مىنانى ۇمىتپاۋىمىز كەرەك, سولاردىڭ ٸشٸندە لاڭكەستەر دە, قىلمىسكەرلەر دە بار. قاراڭىزشى, مىڭداعان ادام قالانى قيراتىپ, ناعىز تەرروريستٸك ەرەكەتتەرگە باردى. بٸراق, قازٸر بەرٸ جاي عانا بەيبٸت ازاماتتار بولىپ شىقتى. بۇعان كٸم سەنەدٸ? جالپى, لاڭكەستەردٸ, قاراقشىلاردى حالىق قاھارماندارى, باتىرلارى دەپ ايتۋعا بولمايدى. بۇل – ەشقانداي شىندىققا كەلمەيتٸن جالعان ۋەج. ەگەر بٸز اقيقاتىنا كٶز جەتكٸزبەي, ولاردىڭ ايتقانىنا سەنەتٸن بولساق, ەلٸمٸزگە تاعى بٸر ٷلكەن قاۋٸپ تٶندٸرەمٸز. بۇل قاراقشىلاردى قازاقستانعا شاقىرۋ دەگەن سٶز. سوندىقتان اتالعان مەسەلەدە بٸز ٶتە ساق بولۋىمىز كەرەك. ەربٸر ٸس بويىنشا مۇقييات تەرگەۋ جٷرگٸزۋٸمٸز قاجەت", - دەدٸ ول.
بۇعان دەيٸن مەملەكەت باسشىسىنىڭ باسپاسٶز حاتشىسى بەرٸك ۋەلي 17 اقپاندا قازاقستان پرەزيدەنتٸ قاسىم-جومارت توقاەۆتىڭ جاڭا سۇحباتى شىعاتىنىن مەلٸمدەگەن بولاتىن.
پرەزيدەنت سۇحبات بارىسىندا قاسٸرەتتٸ قاڭتار وقيعاسىنىڭ سەبەپ-سالدارى مەن الداعى ۋاقىتتا جٷزەگە اسىرىلاتىن ساياسي جەنە ەلەۋمەتتٸك رەفورمالار, قازاقستاننىڭ سىرتقى ساياساتتاعى ستراتەگييالىق سەرٸكتەستەرٸمەن قارىم-قاتىناستارىنا, قابىلداعان شەشٸمدەرٸنە قاتىستى ساۋالدارعا جاۋاپ بەرەدٸ.
