ساپاسىز جانار-جاعارماي ۇلتتىق قاۋٸپسٸزدٸككە تٸكەلەي زالالىن تيگٸزەدٸ. بۇل تۋرالى مەملەكەت باسشىسى قاسىم-جومارت توقاەۆتىڭ تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ وتىرىسىندا ايتتى, دەپ حابارلايدى "ۇلت اقپارات".
«ديزەل وتىنىنىڭ ساپاسىنا قاتىستى سىن ايتىلۋدا. فەرمەرلەر وتىن ساپاسىنىڭ تٶمەن بولۋى سالدارىنان ٶتە قىمبات اۋىل شارۋاشىلىعى تەحنيكاسىنىڭ ٸستەن شىعۋى فاكتٸلەرٸن ايتۋدا. وسىعان بايلانىستى ەنەرگەتيكا مينيسترلٸگٸ مەن ەكٸمدەر جانار-جاعارمايدىڭ كٶلەمٸن عانا ەمەس, ساپاسىن دا قامتاماسىز ەتۋدٸ باقىلاۋعا الۋ تيٸس», - دەپ تاپسىردى پرەزيدەنت.
وسى ورايدا مەملەكەت باسشىسى ساپاسىز وتىندى جەتكٸزۋ ەكونوميكاعا, سونداي-اق ەلدٸڭ ۇلتتىق قاۋٸپسٸزدٸگٸنە كەلتٸرٸلگەن تٸكەلەي زالال ەكەنٸن قاداپ ايتتى.
«ۇلتتىق قاۋٸپسٸزدٸك كوميتەتٸ, قارجى مينيسترلٸگٸنٸڭ ەكونوميكالىق تەرگەۋ قىزمەتٸ ساپاسىز جانار-جاعارماي جەتكٸزەتٸن كومپانييالار مەن جەكە تۇلعالاردى انىقتاۋى كەرەك. اتالعان جاعداي ەلدٸڭ قاۋٸپسٸزدٸگٸنە نۇقسان كەلتٸرٸپ, ەكونوميكالىق ەلەۋەتٸن تٷسٸرەدٸ. مۇنداي قاستىق جاسايتىنداردىڭ وسى جەنە باسقا دا ۇقساس ٸس-قيمىلدارىن قۇقىق قورعاۋ ورگاندارى تٸركەۋگە الۋى تيٸس», - دەدٸ پرەزيدەنت.
وسى ورايدا مەملەكەت باسشىسى اتالعان زالالدى ٸس-قيمىلدار جاسايتىندار زاڭ بويىنشا جاۋاپكەرشٸلٸككە تارتىلۋى كەرەكتٸگٸن اتاپ ٶتتٸ.
