Sapasyz janar-jaǵarmai ulttyq qaýipsizdikke tikelei zalalyn tigizedi. Bul týraly Memleket basshysy Qasym-Jomart Toqaevtyń Tótenshe jaǵdai rejimin qamtamasyz etý jónindegi memlekettik komissiianyń otyrysynda aitty, dep habarlaidy "Ult aqparat".
«Dizel otynynyń sapasyna qatysty syn aitylýda. Fermerler otyn sapasynyń tómen bolýy saldarynan óte qymbat aýyl sharýashylyǵy tehnikasynyń isten shyǵýy faktilerin aitýda. Osyǵan bailanysty Energetika ministrligi men ákimder janar-jaǵarmaidyń kólemin ǵana emes, sapasyn da qamtamasyz etýdi baqylaýǵa alý tiis», - dep tapsyrdy Prezident.
Osy oraida Memleket basshysy sapasyz otyndy jetkizý ekonomikaǵa, sondai-aq eldiń ulttyq qaýipsizdigine keltirilgen tikelei zalal ekenin qadap aitty.
«Ulttyq qaýipsizdik komiteti, Qarjy ministrliginiń Ekonomikalyq tergeý qyzmeti sapasyz janar-jaǵarmai jetkizetin kompaniialar men jeke tulǵalardy anyqtaýy kerek. Atalǵan jaǵdai eldiń qaýipsizdigine nuqsan keltirip, ekonomikalyq áleýetin túsiredi. Mundai qastyq jasaityndardyń osy jáne basqa da uqsas is-qimyldaryn quqyq qorǵaý organdary tirkeýge alýy tiis», - dedi Prezident.
Osy oraida Memleket basshysy atalǵan zalaldy is-qimyldar jasaityndar zań boiynsha jaýapkershilikke tartylýy kerektigin atap ótti.
