فوتو: اقوردا
قاسىم-جومارت توقاەۆ پرەزيدەنت ورتالىعىندا ورنالاسقان №211 رەفەرەندۋم ۋچاسكەسٸنە بارىپ, اەس قۇرىلىسىنا قاتىستى رەسپۋبليكالىق رەفەرەندۋمدا داۋىس بەردٸ. بۇل تۋرالى اقوردا حابارلادى.
مەملەكەت باسشىسى ٶز تاڭداۋىن جاساعاننان كەيٸن وتاندىق بۇقارالىق اقپارات قۇرالدارىنىڭ ٶكٸلدەرٸ ٷشٸن بريفينگ ٶتكٸزدٸ. پرەزيدەنت, ەڭ الدىمەن, رەفەرەندۋم تۋرالى پٸكٸر بٸلدٸرٸپ, ودان قانداي نەتيجە كٷتەتٸنٸن ايتتى.
"بٷگٸن – تاريحي كٷن. حالقىمىز اەس سالۋ مەسەلەسٸنە قاتىستى داۋىس بەرٸپ جاتىر. رەفەرەندۋم – تٸكەلەي دەموكراتييانىڭ ٶتە تيٸمدٸ تەتٸگٸ. حالقىمىز قانداي شەشٸم قابىلداسا, مەملەكەتٸمٸزدٸڭ تٷپكٸ بايلامى دا سولاي بولادى. نەتيجە وڭ بولادى دەپ ويلايمىن. شىن مەنٸندە, بۇل – تاعدىرشەشتٸ وقيعا. سوندىقتان مەن رەفەرەندۋمدى قولدايمىن", – دەدٸ قاسىم-جومارت توقاەۆ.
