اقوردادا ٶتكەن مەديتسينا قىزمەتكەرٸ كٷنٸنە ارنالعان سالتاناتتى جيىندا مەملەكەت باسشىسى قاسىم-جومارت توقاەۆ ەلٸمٸزدٸڭ دەنساۋلىق ساقتاۋ سالاسىنداعى نەگٸزگٸ جەتٸستٸكتەردٸ اتاپ ٶتتٸ, دەپ حابارلايدى ult.kz.
پرەزيدەنتتٸڭ ايتۋىنشا, مەملەكەت مەديتسينا سالاسىن دامىتۋعا ەردايىم ەرەكشە كٶڭٸل بٶلٸپ كەلەدٸ جەنە بۇل باعىتتاعى جۇمىستار ناقتى نەتيجەلەر بەرۋدە.
«بىلتىر ەلٸمٸز بويىنشا ازاماتتاردىڭ ورتاشا ٶمٸر سٷرۋ ۇزاقتىعى 76 جاسقا جاقىندادى. سوڭعى ٷش جىلدا انا ٶلٸمٸ 35 پايىزعا, ال سەبي ٶلٸمٸ 24 پايىزعا قىسقاردى. بۇل – تەۋەلسٸزدٸك جىلدارىنداعى ەڭ تٶمەنگٸ كٶرسەتكٸش», – دەدٸ مەملەكەت باسشىسى.
قاسىم-جومارت توقاەۆتىڭ مەلٸمەتٸنشە, سوڭعى جەتٸ جىل ٸشٸندە قازاقستاندا شامامەن 1300 دەنساۋلىق ساقتاۋ نىسانى سالىنعان. سونىمەن قاتار مٸندەتتٸ مەديتسينالىق ساقتاندىرۋ جٷيەسٸ دە زامان تالابىنا ساي جاڭعىرتىلعان.
پرەزيدەنت دەنساۋلىق ساقتاۋ سالاسىندا بٷگٸندە 280 مىڭنان استام مامان ەڭبەك ەتٸپ جاتقانىن ايتىپ, دەرٸگەرلەردٸڭ مەرتەبەسٸن ارتتىرۋ مەملەكەت ٷشٸن ماڭىزدى مٸندەت بولىپ قالا بەرەتٸنٸن جەتكٸزدٸ.
مەملەكەت باسشىسى مەديتسينا قىزمەتكەرلەرٸنٸڭ قاۋٸپسٸزدٸگٸنە دە ەرەكشە توقتالدى. ونىڭ ايتۋىنشا, دەرٸگەرلەرگە قاتىستى كٷش قولدانۋ فاكتٸلەرٸنٸڭ الدىن الۋ ٷشٸن زاڭنامالىق شارالار كٷشەيتٸلگەن.
«وسى جىلدىڭ باسىندا مەديتسينا قىزمەتكەرلەرٸنە كٷش كٶرسەتكەن ادامداردى قىلمىستىق جاۋاپكەرشٸلٸككە تارتۋ تۋرالى زاڭعا قول قويدىم. بۇل شەشٸم قوعامىمىزدا بەرٸك ورنىعىپ جاتقان زاڭ مەن تەرتٸپ قاعيداتىنا تولىق ساي كەلەدٸ», – دەدٸ پرەزيدەنت.
توقاەۆتىڭ سٶزٸنشە, دەرٸگەرلەردٸڭ قۇقىعى مەن قاۋٸپسٸزدٸگٸن قامتاماسىز ەتۋ, سونداي-اق ولاردىڭ قوعامداعى بەدەلٸن كٶتەرۋ الداعى ۋاقىتتا دا مەملەكەتتٸك ساياساتتىڭ باسىم باعىتتارىنىڭ بٸرٸ بولىپ قالا بەرەدٸ.
