مەملەكەت باسشىسى اقوردا تٶرٸندە ٶمٸر جولى ٶسكەلەڭ ۇرپاققا ٷلگٸ-ٶنەگە بولاتىن, ۇلت مٷددەسٸ ٷشٸن قاجىرلى قىزمەت ەتٸپ, حالىقتىڭ ىقىلاسىنا بٶلەنٸپ كەلە جاتقان بٸر توپ ازاماتقا قۇرمەت كٶرسەتتٸ, دەپ حابارلايدى ult.kz.
اتاپ ايتقاندا, كٶرنەكتٸ سۋرەتشٸ, تانىمال ٶنەر قايراتكەرٸ بەتيما زەۋٸربەكوۆاعا «وتان» وردەنٸ, كٶرنەكتٸ ەدەبيەتتانۋشى عالىم تۇرسىن جۇرتبايعا I دەرەجەلٸ «بارىس» وردەنٸ, مەملەكەت قايراتكەرٸ الەكساندر سۋدينگە II دەرەجەلٸ «بارىس» وردەنٸ تابىستالدى. بەلگٸلٸ اكتەر, كٶرنەكتٸ تەاتر رەجيسسەرٸ نۇرقانات جاقىپبايعا «قازاقستاننىڭ حالىق ەرتٸسٸ» اتاعى, اۋىل شارۋاشىلىعى سالاسىنىڭ ارداگەرٸ ۆيكتور حيلنيچەنكوعا «قازاقستاننىڭ ەڭبەك سٸڭٸرگەن قايراتكەرٸ» قۇرمەتتٸ اتاعى بەرٸلدٸ.
قاسىم-جومارت توقاەۆ ماراپات يەلەرٸن قۇتتىقتاپ, ەرقايسىسىنىڭ ەل ٷشٸن سٸڭٸرگەن ەڭبەگٸنە جەكە-جەكە توقتالدى.
پرەزيدەنت ۇلتتىق مەدەنيەتٸمٸزدٸ دامىتۋ جولىندا كٶپ ەڭبەك ەتٸپ, بەينەلەۋ ٶنەرٸندە قايتالانباس قولتاڭباسىمەن ەرەكشەلەنگەن بەتيما زەۋٸربەكوۆا وتاندىق گوبەلەن ٶنەرٸ مەكتەبٸنٸڭ نەگٸزٸن قالاپ, قازاق ەيەلدەرٸ اراسىنان شىققان وسى سالاداعى تۇڭعىش كەسٸبي مامان اتانعانىنا نازار اۋداردى.
– شىعارماشىلىعىڭىز جوعارى دەڭگەيدە مويىندالىپ, مەملەكەتتٸك سىيلىقتىڭ يەگەرٸ بولدىڭىز. حالقىمىزدىڭ تاريحىن, بٸتٸم-بولمىسىن, ويۋ-ٶرنەگٸ مەن سالت-دەستٷرٸن دەرٸپتەۋگە باسا مەن بەردٸڭٸز. سٸزدٸڭ تۋىندىلارىڭىز الماتى جەنە باسقا دا قالالاردىڭ ەيگٸلٸ عيماراتتارىنا كٶرٸك بەرٸپ تۇر. تۋىندىلارىڭىز ٶز ەلٸمٸزبەن قاتار شەت مەملەكەتتەردە ساقتالۋدا. سٸزدٸڭ ەڭبەكتەرٸڭٸزدٸ ەلەمگە بەلگٸلٸ ماماندار ٶتە جوعارى باعالايدى. ۇلتتىق ٶنەر جولىندا سالعان دارا جولىڭىز جاس بۋىن ازاماتتارى ٷشٸن تاماشا ٷلگٸ-ٶنەگە دەپ سانايمىن, – دەدٸ مەملەكەت باسشىسى.
قاسىم-جومارت توقاەۆ سانالى عۇمىرىن ۇلت رۋحانيياتىن دامىتۋعا ارناپ كەلە جاتقان كٶرنەكتٸ عالىم, قارىمدى قالامگەر تۇرسىن جۇرتباي تٶل تاريحىمىزدىڭ اقتاڭداق تۇستارىن زەرتتەپ, حالىقتىڭ سانا-سەزٸمٸن جاڭعىرتۋعا ەلەۋلٸ ٷلەس قوسقانىن اتاپ ٶتتٸ.
– اباي قۇنانبايۇلىنىڭ ٶمٸرٸ مەن شىعارماشىلىعىن تەرەڭ زەرتتەپ, جان-جاقتى دەرٸپتەۋگە زور ەڭبەك سٸڭٸردٸڭٸز. اباي – ۇلتتىڭ رۋحاني تەمٸرقازىعى, ٶسكەلەڭ ۇرپاقتىڭ اينىماس باعدارى. شىن مەنٸندە, ۇلى ويشىلدى تانۋ – قازاقتى تانۋ دەگەن سٶز. سٸز مۇحتار ەۋەزوۆتٸڭ جەنە ۇلت قايراتكەرلەرٸنٸڭ مول مۇراسى مەن ٶنەگەلٸ ٶمٸرٸ تۋرالى قۇندى عىلىمي ەڭبەكتەر جازدىڭىز. شوقتىعى بيٸك كٶركەم شىعارمالارىڭىز ارقىلى تٶل ەدەبيەتٸمٸزدٸڭ قۇندىلىعىن ارتتىرا تٷستٸڭٸز, – دەدٸ مەملەكەت باسشىسى.
پرەزيدەنت مەملەكەتٸمٸزدٸڭ دامۋىنا تەۋەلسٸزدٸكتٸڭ ەلەڭ-الاڭىنان باستاپ بەلسەنە اتسالىسىپ كەلە جاتقان الەكساندر سۋدينگە العىس ايتتى.
– مەملەكەتتٸك قىزمەتتە جۇمىس ٸستەگەن جىلدارى زور قۇرمەتكە يە بولدىڭىز. پارلامەنت سەناتىنىڭ دەپۋتاتى رەتٸندە حالىق مٷددەسٸن قورعادىڭىز. ۆيتسە-سپيكەر جەنە سەنات اپپاراتىنىڭ باسشىسى رەتٸندە قازاقستاندىق پارلامەنتاريزمنٸڭ دامۋىنا قوسقان ٷلەسٸڭٸزدٸ ايرىقشا اتاپ ٶتكٸم كەلەدٸ. سٸزدٸڭ كەسٸبي ەڭبەگٸڭٸز جوعارى باعالانىپ, وتانعا ادال قىزمەت ەتۋدٸڭ ٷلگٸسٸنە اينالدى, – دەدٸ مەملەكەت باسشىسى.
پرەزيدەنت تەاتر جەنە كينو سالاسىندا جارتى عاسىردان استام ۋاقىت جۇمىس ٸستەپ كەلە جاتقان بەلگٸلٸ رەجيسسەر نۇرقانات جاقىپبايدىڭ تٶل مەدەنيەتٸمٸزدٸ ٶركەندەتۋ جولىنداعى ەڭبەگٸ زور ەكەنٸن جەتكٸزدٸ.
– كٶرەرمەننٸڭ كٶزايىمى بولعان مازمۇندى قويىلىمداردى ساحنالاپ, تەاتر ەلەمٸنٸڭ ناعىز مايتالمانى رەتٸندە تانىلدىڭىز. كٶپتەگەن پەسالار مەن فيلمدەردە تٷرلٸ رٶلدەردٸ شەبەر سومداپ, حالىقتىڭ ىستىق ىقىلاسىنا بٶلەندٸڭٸز. بٷگٸندە جاس تالانتتاردى ٶنەرگە باۋلىپ, ولارعا باعىت-باعدار بەرٸپ كەلەسٸز. رۋحانييات سالاسىن دامىتۋعا سٸڭٸرگەن ەڭبەگٸڭٸز ٷشٸن ٶزٸڭٸزگە شىنايى ريزاشىلىعىمدى بٸلدٸرەمٸن, – دەدٸ قاسىم-جومارت توقاەۆ.
قاسىم-جومارت توقاەۆ كەسٸبي جولىن اگرونومدىقتان باستاپ «حيلنيچەنكو جەنە ك» سەرٸكتەستٸگٸنٸڭ باسشىسىنا دەيٸن كٶتەرٸلگەن ۆيكتور حيلنيچەنكونىڭ اگروٶنەركەسٸپ سالاسىن دامىتۋعا قوسقان ٷلەسٸنە توقتالىپ, الماتى وبلىستىق مەسليحاتىنىڭ دەپۋتاتى رەتٸندە جەمٸستٸ قوعامدىق قىزمەت اتقارعانىن دا اتاپ ٶتتٸ.
– ەڭ باستىسى, قول جەتكٸزگەن جەتٸستٸكتەرٸڭٸزگە توقمەيٸلسٸمەي, الدىڭىزعا جاڭا ەرٸ بيٸك ماقساتتار قويىپ كەلەسٸز. ايماقتىڭ اگروٶنەركەسٸپ ەلەۋەتٸن كٶتەرۋگە قوسقان زور ٷلەسٸڭٸز قانداي باعاعا بولسا دا لايىق, – دەدٸ مەملەكەت باسشىسى.
