مەملەكەت باسشىسى قاسىم-جومارت توقاەۆ رەسپۋبليكالىق «انا تٸلٸ» باسىلىمىنا بەرگەن سۇحباتىندا قازاقستان حالقىن كارانتين رەجيمٸن قاتاڭ ساقتاپ, تازالىققا مۇقييات بولۋعا شاقىردى, دەپ حابارلايدى "ۇلت اقپارات".
«بۇل ٸندەت بٸزدٸڭ عانا ەمەس, جالپى ەلەمدەگٸ ادامزاتتىڭ بەت-بەينەسٸن, تۇرمىس-تٸرشٸلٸگٸن ٶزگەرتتٸ. اۋىر دەرتتٸڭ الدىندا دامىعان مەملەكەتتەردٸڭ ٶزدەرٸ دەرمەنسٸز بولىپ وتىر. وعان بەرٸمٸز كۋەمٸز. وزىق دەپ جٷرگەن ەۋروپا ەلدەرٸ, ازۋىن ايعا بٸلەگەن اقش, ازييا الىپتارى – قىتاي, جاپونييا, وڭتٷستٸك كورەيا, تاعى باسقا دا ەلدەر تىعىرىققا تٸرەلگەندەي. ال قازٸر, «بٸز وسى ٸندەتپەن كٷرەستە جەڭٸلٸپ جاتىرمىز نەمەسە ٷكٸمەت احۋالدى باقىلاۋدان شىعارىپ الدى» دەۋگە بولمايدى. ٶزدەرٸڭٸزگە مەلٸم, نۇر-سۇلتان, الماتى جەنە شىمكەنت قالالارىندا جۇقپالى اۋرۋلارعا ارنالعان ٷش اۋرۋحانا جەدەل سالىندى. باسقا ٶڭٸرلەردەگٸ اۋرۋحانالار كەرەك-جاراقپەن جابدىقتالدى. ناۋقاستاردى ەمدەۋگە دەرٸگەرلەرٸمٸزدٸڭ بٸلٸكتٸلٸگٸ جەتەدٸ. قازٸر, اق حالاتتى ابزال جاندار كٷندٸز-تٷنٸ وسى ٸندەتپەن كٷرەستٸڭ الدىڭعى شەبٸندە جٷر. مەملەكەت تاراپىنان قاجەتتٸ قاراجات بٶلٸندٸ», - دەيدٸ پرەزيدەنت رەسپۋبليكالىق «انا تٸلٸ» باسىلىمىنا بەرگەن سۇحباتىندا.
مەملەكەت باسشىسى بٸر مەسەلەنٸ ەرەكشە اتاپ ٶتتٸ.
«بيلٸكتەگٸلەر دە – ٶزدەرٸڭٸز سەكٸلدٸ ەت پەن سٷيەكتەن جارالعان ادامدار. لاۋازىمدى قىزمەتكەرلەر جۇمىس بابىنا بايلانىستى بٸرقاتار ازاماتتارمەن كەزدەسۋٸ كەرەك, سوندىقتان ەل ٸشٸندەگٸ ٸسساپارلارعا شىعادى. سونداي جاعدايدا كەسەلدٸ جۇقتىرىپ الۋى مٷمكٸن. يە, ولار دا اۋىرادى, ناۋقاسىنان ەمدەلەدٸ. بيلٸكتە جٷرگەندەردٸڭ اراسىنان 15 شاقتى ادام وسى دەرتكە شالدىقتى. ال قازٸرگٸ ستاتيستيكا بويىنشا, ۆيرۋس جۇقتىرعاندار سانى 20 مىڭعا جۋىقتادى. ياعني ولاردىڭ كٶپشٸلٸگٸ – قاراپايىم حالىق. بۇل جەردەگٸ مەسەلە كٸمنٸڭ قالاي جۇقتىرىپ العانىندا ەمەس. سول ازاماتتارىمىزدىڭ اۋرۋىن اسقىندىرىپ الماي, تەزٸرەك جازىلىپ شىعۋىنا جاعداي جاساۋ قاجەت. اۋرۋعا شالدىققانداردى شەنەۋنٸك نەمەسە قاراپايىم جۇرت دەپ بٶلٸپ قاراۋعا بولمايدى», - دەپ ايتىپ ٶتتٸ قاسىم-جومارت توقاەۆ.
پرەزيدەنت ودان بٶلەك قازاق «كەمەدەگٸنٸڭ جانى بٸر» دەگەن سٶزدٸ ەسكە سالدى.
«بٸز بٸر ەلدە تۇرىپ, بٸر اۋانى جۇتىپ, بٸر قوعامدا ٶمٸر سٷرٸپ جاتقاننان كەيٸن ەشكٸم دە بۇل اۋرۋدان ٶزٸن تولىقتاي قورعاي المايدى. بٸر پلانەتانى مەكەن ەتكەن سوڭ ٶزگە ەلدەگٸ دەرت بٸزگە كەلمەيدٸ دەپ بەيقام وتىرا المايمىز. پاندەمييا شەكاراعا قارامايدى. ساقتانساق قانا ٶزٸمٸزدٸ, جاقىندارىمىزدى اۋرۋدان اۋلاقتاتا الامىز. سوندىقتان ەل ازاماتتارىن كارانتين رەجيمٸن قاتاڭ ساقتاپ, تازالىققا مۇقييات بولۋعا شاقىرامىن. بۇل – ٶتپەلٸ قيىندىق, ۋاقىتشا سىناق. بٸز وسى ٸندەتتەن جەنە ەكونوميكالىق داعدارىستان كەيٸن قالاي داميمىز, نە ٸستەۋٸمٸز كەرەك دەگەن مەسەلەگە باسا مەن بەرگەنٸمٸز جٶن», - دەيدٸ پرەزيدەنت.
