قازاقستان پرەزيدەنتٸنٸڭ تٷركٸستان وبلىسىنا ساپارى ساردوبا سۋ قويماسىنداعى اپاتتان زارداپ شەككەن تۇرعىندار ٷشٸن مىرزاكەنت اۋىلىندا سالىنىپ جاتقان جاڭا ىقشاماۋداننىڭ قۇرىلىسىمەن تانىسۋدان باستالدى.
بۇل تۋرالى "ۇلت اقپارات" اقوردانىڭ رەسمي سايتىنا سٸلتەمە جاساپ حابارلايدى.
اپات سالدارىنان 4 مىڭعا جۋىق حالىق زارداپ شەگٸپ, 500-دەن استام باسپانا تولىعىمەن بۇزىلىپ, قايتا سالىندى. جەڭٸس, جاڭاتۇرمىس, دوستىق ەلدٸمەكەندەرٸنٸڭ تۇرعىندارى ٷشٸن مىرزاكەنت اۋىلىندا جاڭا ىقشاماۋدان بوي كٶتەردٸ, ەربٸر وتباسى مٷشەسٸنە 100 مىڭ تەڭگەدەن بەرٸلدٸ. ٶرگەباس, فيرداۋسي اۋىلدارىن قايتا قالپىنا كەلتٸرۋ جۇمىستارىنىڭ قارقىنى جاقسى. ايتا كەتەرلٸگٸ, اتالعان اۋىلدارداعى اپاتتان باسپانالارى بٷلٸنٸپ-قيراعان تۇرعىندارعا 17 ميلليون تەڭگەدەن بەرٸلٸپ جاتىر.
قۇرىلىس بارىسىمەن تانىسقان قاسىم-جومارت توقاەۆ تۇرعىندارمەن كەزدەستٸ. پرەزيدەنت سۋ تاسقىنى كەزٸندە مەملەكەت شۇعىل شەشٸم قابىلداپ, اۋداندى قالپىنا كەلتٸرۋ ٷشٸن قازىنادان قارجى بٶلٸنگەنٸن, وسىنداي سىن سەتتە بٷكٸل حالقىمىزدىڭ ۇيىمشىلدىق تانىتقانىن اتاپ ٶتتٸ.
– جاڭا شاعىن اۋدان سالىنىپ جاتىر. زارداپ شەككەن بٸردە-بٸر ادام دالادا قالعان جوق. ەربٸر تۇرعىننىڭ جاعدايىن ەسكەردٸك. جاڭا باسپاناعا كٶشەم دەگەن ادامدار وسىندا قونىس اۋدارادى. كٶپ ۇزاماي بارلىعى ٶز ٷيلەرٸنە ورالاتىن بولادى. اۋقىمدى جۇمىس اتقارىلىپ جاتىر. «جۇمىلا كٶتەرگەن جٷك جەڭٸل» دەگەن. كەسٸپكەرلەر, قۇرىلىسشىلار, دەرٸگەرلەر, قاراپايىم ازاماتتار, كٶپتەگەن ەرٸكتٸلەر بەلسەندٸ جۇمىس ٸستەدٸ. بارلىعىنا شىنايى ريزاشىلىعىمدى بٸلدٸرەمٸن, – دەدٸ مەملەكەت باسشىسى.
قازاقستان پرەزيدەنتٸ اۋدانداعى احۋالدى تٸكەلەي ٶزٸ قاداعالاپ وتىرعانىن جەتكٸزدٸ.
ساپار بارىسىندا ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ٶزبەكستان رەسپۋبليكاسىمەن بٸرلەسٸپ سۋ تاسقىنىنىڭ سالدارىن جويۋ, الداعى ۋاقىتتا مۇنداي اپاتتى بولدىرماۋعا قاتىستى قابىلدانىپ جاتقان شارالار جايىندا باياندادى.
قاسىم-جومارت توقاەۆ جۇمىستى نەتيجەلٸ جالعاستىرا بەرۋ كەرەك دەپ تاپسىردى.
