مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ العاشقى وتىرىسىندا ەلدەگٸ كادر ساياساتىنا قاتىستى ويىن ايتتى, دەپ حابارلايدى "ۇلت اقپارات".
«قوعامدا قىزۋ تالقىلانىپ جاتقان تاعى بٸر مەسەلەگە توقتالسام. بۇل – كادر ساياساتى.
ەدٸلەتتٸ قازاقستاندى قۇرۋ - كادرلاردىڭ ورنىن اۋىستىرا بەرۋ دەگەن سٶز ەمەس. ٶز ٸسٸن جەتٸك بٸلەتٸن كەسٸبي ماماندار, وتانشىل ازاماتتار قاشاندا باعالى. مەملەكەتتٸك قىزمەتشٸلەرگە قانداي دا بٸر كلاننىڭ مٷشەسٸ رەتٸندە قاراۋعا بولمايدى. ەرينە, ولاردىڭ قۇرامىن جاڭارتىپ وتىرعان دۇرىس. بٸراق, مۇنى تەرەڭ ويلانىپ, بايىپپەن جاساۋ قاجەت. كادرلاردى جاپپاي جۇمىستان شىعارۋ جاقسىلىققا اپارمايدى.
ەلەۋمەتتٸك جەلٸدە «ەسكٸ كادرمەن جاڭا قازاقستاندى قالاي قۇرۋعا بولادى?» دەيتٸندەر بار. بۇل – ورىندى سۇراق. بٸراق, نەگٸزٸنەن كادرلاردى بٸرتٸندەپ اۋىستىرۋ كەرەك», - دەدٸ پرەزيدەنت.
سونداي-اق توقاەۆ حالىقتى مەملەكەتتٸك قىزمەتشٸلەردٸ كەمسٸتۋدٸ توقتاتۋعا شاقىردى.
«جالپى, مەملەكەتتٸك قىزمەتشٸلەردٸ قولىنان تٷك كەلمەيدٸ دەپ كەمسٸتۋدٸ دوعارۋ كەرەك. تٸپتٸ, ولاردى «حالىق جاۋلارى» سيياقتى كٶرەتٸندەر دە بار. «شەنەۋنٸك» دەگەن سٶز جاعىمسىز ۇعىمعا اينالىپ بارادى. بۇل – دۇرىس ەمەس.
مەملەكەتتٸك قىزمەتتە ادال ەرٸ بٸلٸكتٸ كادرلار ٶتە كٶپ. ولار وتانىمىزدىڭ يگٸلٸگٸ جولىندا تىنباي ەڭبەك ەتٸپ جٷر. بٸراق, ٶكٸنٸشكە قاراي, «بٸر قارىن مايدى بٸر قۇمالاق شٸرٸتەدٸ» دەگەن دە بار. ونداي ادامدارمەن بٸز بٸردەن قوشتاسىپ جاتىرمىز. بولاشاقتا دا سولاي بولادى», - دەدٸ مەملەكەت باسشىسى.
