مەملەكەت باسشىسى مەجٸلٸس تٶراعاسى ەرلان قوشانوۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنتكە پارلامەنت مەجٸلٸسٸنٸڭ سپيكەرٸ پالاتانىڭ VII شاقىرىلىمىنىڭ ٷشٸنشٸ سەسسيياسى اياسىندا اتقارىپ جاتقان زاڭ شىعارۋ جۇمىستارى تۋرالى باياندادى.
قازٸرگٸ كەزدە ازاماتتاردىڭ تٶلەم قابٸلەتٸن قالپىنا كەلتٸرۋ جەنە ولاردىڭ بانكروتتىعى, قوعامدىق باقىلاۋ, تۇرعىن ٷي ساياساتىن رەفورمالاۋ تۋرالى, سونداي-اق دەنساۋلىق ساقتاۋ سالاسىنا جەنە قوعامداعى باسقا دا ٶزەكتٸ مەسەلەلەرگە قاتىستى زاڭ جوبالارى دەپۋتاتتاردىڭ قاراۋىندا جاتىر.
ەرلان قوشانوۆ قاسىم-جومارت توقاەۆقا مەجٸلٸس پەن قايتا قۇرىلعان جوعارى اۋديتورلىق پالاتا اراسىنداعى ٶزارا ٸس-ەرەكەت مەحانيزمدەرٸ تۋرالى مەلٸمەت بەردٸ. ەندٸ پارلامەنت مٷشەلەرٸ ورتالىقتان باستاپ ناقتى اۋدان, قالا, اۋىلعا دەيٸنگٸ بٶلٸنگەن بيۋدجەت قارجىسىن تولىق باقىلاي الادى. بۇل بارلىق قاراجاتتىڭ ماقساتتى جۇمسالۋى مەن تيٸمدٸلٸگٸن ساراپتاۋعا مٷمكٸندٸك بەرەدٸ.
سونداي-اق سپيكەر مەجٸلٸس جانىنان قۇرىلعان قوعامدىق پالاتانىڭ جۇمىسى تۋرالى ايتتى. ونىڭ قۇرامىنا دەپۋتاتتار, ساراپشىلار, ساياسي پارتييالاردىڭ, ٷكٸمەتتٸك ەمەس ۇيىمداردىڭ ٶكٸلدەرٸ كٸردٸ. قوعامدىق پالاتادا ەزٸرلەنٸپ جاتقان زاڭ جوبالارىن قوعامنىڭ سۇرانىسى مەن تالاپ-تٸلەگٸ تۇرعىسىنان تۇراقتى تٷردە تالقىلاۋ جوسپارلانىپ وتىر.
سونىمەن قاتار مەملەكەت باسشىسىنا پارلامەنتتٸڭ تٶمەنگٸ پالاتاسى جانىنداعى قوعامدىق قابىلداۋدىڭ جۇمىسى تۋرالى ەسەپ بەرٸلٸپ, مەجٸلٸستٸڭ قوعامعا اشىقتىعىن ارتتىرۋ جٶنٸندەگٸ جوبالارى تانىستىرىلدى.
