پارلامەنت سەناتىنىڭ دەپۋتاتى اقىلبەك كٷرٸشباەۆ قر پرەزيدەنتٸ قاسىم-جومارت توقاەۆتىڭ «Egemen Qazaqstan» گازەتٸندە جارييالانعان «تەۋەلسٸزدٸك بەرٸنەن قىمبات» اتتى ماقالاسىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«ەلەمدە ٶزٸنٸڭ ازاتتىعى ٷشٸن عاسىرلار بويى كٷرەسٸن ٷزبەي جالعاستىرعان جەنە تٷبٸندە قولىن جەتكٸزگەن ۇلتتاردىڭ بٸرٸ - قازاقتار. سوندىقتان حالقىمىز ٷشٸن تەۋەلسٸزدٸك - كيەلٸ, قاستەرلٸ ۇعىم! بٸز ونىڭ قادٸرٸ مەن كيەسٸن تٷسٸنگەن ەلمٸز. تابالدىرىعىمىزدان اتتاعان بيىلعى جىلى - وسى تەۋەلسٸز ەل اتانعانىمىزعا 30 جىل تولادى. وسى ورايدا قر پرەزيدەنتٸ قاسىم-جومارت توقاەۆتىڭ «تەۋەلسٸزدٸك بەرٸنەن قىمبات» اتتى ماقالاسىندا بيىلعى جىلدىڭ قايتا جاڭعىرعان قازاق مەملەكەتتٸگٸنٸڭ, اتا-بابالارىمىز اڭساعان ازاتتىقتىڭ تۇعىرى نىعايا تٷسكەنٸن ەيگٸلەيتٸن ماڭىزدى بەلەس ەكەندٸگٸنە باسا ەكپٸن تٷسٸرٸلگەن. تەۋەلسٸز مەملەكەت رەتٸندە جاھاندىق كٶشكە ٸلەسكەن جاڭا قازاقستان ٸرگەتاسىنىڭ قالانۋى, ازاتتىعىمىزدى نىقتاۋ, كەرەگەمٸزدٸ كەڭەيتۋ جەنە مەرەيلٸ ەلگە اينالۋدىڭ وڭاي سوقپاعانى بەرٸمٸزگە مەلٸم», - دەدٸ سەنەتور.
ونىڭ ايتۋىنشا, پرەزيدەنت اتالعان ماقالاسىندا ەگەمەندٸكتٸڭ وتىز جىلدىق عۇمىرىنا تالداۋ جاساي كەلە, ونى ٷش ونجىلدىققا بٶلٸپ, ەڭسەرگەن بەلەستەرٸمٸزدٸ, باعىندىرعان بيٸكتەرٸمٸزدٸ, قول جەتكٸزگەن تابىستارىمىزدى تارقاتا بايانداعان.
«تاريح تامىرىنا تەرەڭدەي بويلاساق, وسىناۋ سايىن دالادا كٶشپەلٸلەر ٶركەنيەتٸن قالىپتاستىرعان, كٸندٸك قانى تامعان تۋعان جەرٸن جەنە ەركٸندٸگٸن قاسىق قاندارى قالعانشا قورعاعان اتا-بابالارىمىز تاعدىردىڭ تالاي تارشىلىعىن, قيىن-قىستاۋ كەزەڭدٸ, نەۋبەتتٸ جىلداردى ٶتكەردٸ. ونىڭ بەر جاعىندا كەڭەستٸك دەۋٸردٸڭ زۇلماتتارىن دا باستان كەشٸردٸك. بٸراق مويىمادىق, تاباندىلىق تانىتتىق. ٶرلٸگٸمٸز بەن رۋحتىڭ اسقاقتىعى ۇلت رەتٸندە جويىلىپ كەتۋدەن ساقتادى. وسىنى تٷيسٸنگەن ادامعا كەرەكتٸنٸڭ بەرٸ اتالعان ماقالادا كٶرٸنٸس تاپقان. بٷگٸندە بٸزدٸڭ كٶرشٸ ەلدەرمەن حالىقارالىق زاڭدارعا نەگٸزدەلٸپ, رەسمي بەكٸتٸلگەن شەكارامىزعا, تۇتاستىعىمىزعا كٷمەنمەن, قىزعانىشپەن قاراپ, ارانداتۋشىلىققا بوي الدىرىپ جٷرگەن شەتەل ازاماتتارىنىڭ ەرەكەتتەرٸنە دە پرەزيدەنتٸمٸز ماقالاسىندا عىلىمي نەگٸزدەپ تويتارىس بەرە بٸلگەن. ەر قازاقتىڭ كٶكەيٸندە جٷرگەن, ەلٸمٸزدٸڭ ٸشكٸ, سىرتقى ساياساتىنا قاتىستى جاھاندىق سۇراقتارعا جاۋاپ بولاتىنداي مەسەلەلەر قامتىلعان. كەلەشەكتە ونداي كٶرشٸ مەملەكەتتەرمەن اراداعى تاتۋلىققا سىنا قاعۋشىلىققا جول بەرمەس ٷشٸن, اتقارىلار يگٸ ٸستەرگە جول سٸلتەگەن. تەۋەلسٸزدٸكتٸ الۋ بار, بٸراق ونى قورعاپ قالۋ, باياندى ەتۋ, كەلەشەك ۇرپاقتىڭ قولىنا اماناتتاۋ - مىناداي مىڭ قۇبىلعان, الماعايىپ زاماندا وڭاي ەمەس. سوندىقتان دا پرەزيدەنتٸمٸز ايتقانداي «تەۋەلسٸزدٸك بەرٸنەن قىمبات» دەگەن سٶزٸ مەڭگٸلٸك ۇرانىمىزعا اينالۋى كەرەك!», - دەدٸ اقىلبەك كٷرٸشباەۆ.
.jpeg)