كوروناۆيرۋسقا قاتىستى احۋال جاقسارماسا ٷكٸمەتتٸڭ وسى قۇرامدا جۇمىس ٸستەۋ مٷمكٸندٸگٸ تۋرالى مەسەلە تۋىندايدى. بۇل تۋرالى ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى اقوردا باسپاسٶز قىزمەتٸ.
«قالىپتاسقان احۋال ەكٸ اپتادان كەيٸن جاقسارادى دەپ ٷمٸتتەنەمٸن. ولاي بولماعان جاعدايدا, جالپى ٷكٸمەتتٸڭ وسى قۇرامدا جۇمىس ٸستەۋ مٷمكٸندٸگٸ تۋرالى مەسەلە تۋىندايدى», - دەدٸ مەملەكەت باسشىسى.
ايتا كەتەيٸك, ۆيدەوبايلانىس ارقىلى ٶتٸپ جاتقان جيىندا ٷكٸمەت 2020 جىلدىڭ العاشقى جارتى جىلدىعىنداعى ەلٸمٸزدٸڭ ەلەۋمەتتٸك-ەكونوميكالىق دامۋ قورىتىندىسى تۋرالى ەسەپ بەردٸ. سونداي-اق كوروناۆيرۋسقا قارسى كٷرەسكە قاتىستى قابىلدانعان شارالار, مەملەكەت باسشىسىنىڭ ٷكٸمەتتٸڭ الداعى ۋاقىتتا اتقاراتىن جۇمىسىنىڭ نەگٸزگٸ باعىتتارى بويىنشا بەرگەن تاپسىرمالارى مەن مٸندەتتەرٸ قاراستىرىلدى.
ەلٸمٸزدٸڭ ەلەۋمەتتٸك-ەكونوميكالىق دامۋىنىڭ قورىتىندىلارى مەن جىل سوڭىنا دەيٸن ورىندايتىن مٸندەتتەر جٶنٸندە پرەمەر-مينيستر اسقار مامين, اقشا-نەسيە ساياساتىنا قاتىستى شارالار تۋرالى ۇلتتىق بانكتٸڭ تٶراعاسى ەربولات دوساەۆ, ەلٸمٸزدەگٸ ەپيدەميولوگييالىق احۋالدى جاقسارتۋ جٶنٸندەگٸ شارالار تۋرالى دەنساۋلىق ساقتاۋ مينيسترٸ الەكسەي تسوي بايانداما جاسادى.
