پرەزيدەنت كوروناۆيرۋس جاعدايىنا قاتىستى كەزەكتٸ تەلەۆيزييالىق ٷندەۋ جارييالايدى, دەپ حابارلايدى "ۇلت اقپارات".
بۇل جٶنٸندە پرەزيدەنتتٸڭ باسپاسٶز حاتشىسى بەرٸك ۋەلي مەلٸم ەتتٸ.
«سوڭعى كەزدەرٸ قازاقستان پرەزيدەنتٸنٸڭ جۇمىس كەستەسٸ مەيلٸنشە ٶزگەرگەنٸ جاسىرىن ەمەس. ەلٸمٸزدە تٶتەنشە جاعداي ەنگٸزٸلدٸ, وسىعان بايلانىستى قاسىم-جومارت كەمەلۇلىنىڭ جۇمىس كەستەسٸ دە تٶتەنشە جاعداي رەجيمٸنە كٶشتٸ. پرەزيدەنتكە كەلەتٸن شۇعىل ەرٸ ساراپتامالىق اقپاراتتاردىڭ سانى كٷرت ٶستٸ. ال بۇعان دەر كەزٸندە جاۋاپ بەرٸپ, شارا قولدانۋ كەرەك. مەملەكەت باسشىسى جاڭارتىلعان فورماتتا جۇمىس ٸستەپ جاتىر. بٷگٸندە كٶپتەگەن جيىندار مەن كەزدەسۋلەر ۆيدەو بايلانىس ارقىلى ٶتكٸزٸلۋدە. كوروناۆيرۋسقا قارسى كٷرەس – كٷن تەرتٸبٸندە قاراستىرىلاتىن نەگٸزگٸ مەسەلە. قاسىم-جومارت كەمەلۇلى كٷن سايىن ٷكٸمەتتٸڭ, تٶتەنشە جاعداي جٶنٸندەگٸ مەملەكەتتٸك كوميسسييا مٷشەلەرٸنٸڭ, ٶڭٸر باسشىلارىنىڭ ەسەپتەرٸن تىڭدايدى. جاقىندا عانا پرەزيدەنت بارلىق وبلىستاردىڭ جەنە رەسپۋبليكالىق ماڭىزى بار قالالاردىڭ ەكٸمدەرٸنە تەلەفون شالىپ, شاعىن جەنە ورتا بيزنەستٸ قولداۋعا, حالىقتى ەلەۋمەتتٸك قورعاۋعا, كٶكتەمگٸ ەگٸس ناۋقانىنا جەنە سۋ تاسقىنىنا قارسى جۇمىستارعا بايلانىستى ناقتى تاپسىرما بەردٸ», - دەپ جازدى بەرٸك ۋەلي.
ەلٸمٸزدەگٸ جەنە ەلەمدەگٸ ەپيدەميولوگييالىق احۋال ٷنەمٸ ٶزگەرۋدە. جۋىردا تٷسكەن اقپاراتتار نەگٸزٸندە تٶتەنشە جاعداي رەجيمٸنٸڭ جەنە كارانتين شارالارىنىڭ ۇزارتىلۋىنا قاتىستى تيٸستٸ شەشٸم قابىلداناتىن بولادى.
«وسى رەتتە مەملەكەت باسشىسى داعدارىسقا قارسى مەنەدجمەنتتەن بٶلەك, ستراتەگييالىق جوسپارلاۋعا دا مەن بەرٸپ وتىرعانىن ەستە ۇستاۋىمىز كەرەك. ەرتە مە, كەش پە, تٶتەنشە جاعداي بٸتەدٸ. سودان كەيٸن الدىمىزدان ەكونوميكانىڭ قۇرىلىمىن قايتا قاراۋ مٸندەتٸ شىعادى. سوندىقتان الدىمىزعا ورتا جەنە ۇزاق مەرزٸمگە ارنالعان جاڭا ماقساتتار قويۋ كەرەك. پرەزيدەنت كٶپتەگەن باعدارلامالار مەن تۇجىرىمدامالاردى جاڭارتۋ قاجەتتٸگٸن ايتتى. مۇناي باعاسىنىڭ بٸردەن قۇلدىراۋى ەكونوميكا مەن قارجى سەكتورىنا رەفورما جٷرگٸزٸپ, يندۋسترييالاندىرۋ مەن تسيفرلاندىرۋدى ناقتى جٷزەگە اسىرۋ كەرەك ەكەنٸن كٶرسەتٸپ وتىر. دەنساۋلىق ساقتاۋ جەنە بٸلٸم سالالارىن دا ٷلكەن ٶزگەرٸس كٷتٸپ تۇر. مەملەكەت باسشىسى جاڭا تالاپتارعا جاۋاپ بەرەتٸن ستراتەگييالىق شەشٸمدەر ەزٸرلەۋدٸ تاپسىردى. حالىقارالىق بايلانىستارعا كەلەتٸن بولساق, قازٸرگٸ ۋاقىتتا بۇل مەسەلە نەگٸزٸنەن تەلەفون ارقىلى نەمەسە ۆيدەو كونفەرەنتسييا فورماتىندا جٷرٸپ جاتىر. اتاپ ايتقاندا, جۋىردا ەۋرازييالىق ەكونوميكالىق وداق پەن تٷركٸ تٸلدەس مەملەكەتتەرٸ ىنتىماقتاستىق كەڭەسٸنٸڭ سامميتتەرٸ ونلاين رەجيمدە ٶتكٸزٸلدٸ. نەگٸزگٸ سەرٸكتەستەرٸمٸزبەن جەنە كٶرشٸلەس ەلدەرمەن جەدەل اقپارات الماسۋ اسا ماڭىزدى. بٸر ايدىڭ ٸشٸندە قاسىم-جومارت كەمەلۇلى رەسەي, قىتاي, ٶزبەكستان, قىرعىزستان, تەجٸكستان, يزرايل مەملەكەتتەرٸنٸڭ پرەزيدەنتتەرٸمەن, بۇۇ جەنە ەۋروپالىق وداقتىڭ باسشىلارىمەن, اقش-تىڭ مەملەكەتتٸك حاتشىسىمەن تەلەفون ارقىلى سٶيلەستٸ. اتالعان كەلٸسسٶزدەر ازاماتتارىمىزدى شەت ەلدەردەن الىپ كەلۋگە, ٶزارا گۋمانيتارلىق قولداۋعا, ٷزدٸكسٸز كٶلٸك قاتىناستارىن قامتاماسىز ەتۋگە, ازىق-تٷلٸك پەن مەديتسينالىق قۇرال-جابدىقتاردى جەتكٸزۋگە بايلانىستى بٸرقاتار ماڭىزدى مەسەلەلەردٸ شۇعىل ەرٸ ەشقانداي بيۋروكراتييالىق كەدەرگٸلەرسٸز شەشۋگە مٷمكٸندٸك بەردٸ», - دەيدٸ پرەزيدەنتتٸڭ باسپاسٶز حاتشىسى.
مەملەكەت باسشىسى ازاماتتارىمىزدىڭ دەنساۋلىعىن ساقتاۋ مەن قاۋٸپسٸزدٸگٸن قامتاماسىز ەتۋدٸ ەڭ باستى مٸندەت سانايدى. ول بارلىق وتانداستارىمىزدى تٶتەنشە جاعداي رەجيمٸنٸڭ تالاپتارىن ساقتاۋعا شاقىرادى. جاقىندارىمىزدىڭ دەنساۋلىعى ٷشٸن سابىر ساقتاپ, جاۋاپكەرشٸلٸكتٸ سەزٸنۋٸمٸز كەرەك. قاسىم-جومارت كەمەلۇلىنىڭ ايتۋىنشا, «حالىقسىز ەكونوميكا بولمايدى».
سوندىقتان ەشكٸم دە مەملەكەتتٸڭ نازارىنان تىس قالمايدى. پرەزيدەنتتٸڭ تٸكەلەي تاپسىرماسى بويىنشا ازاماتتارعا قولداۋ كٶرسەتۋ ٷشٸن بيۋدجەتتەن جەنە ۇلتتىق قوردان قاراجات بٶلٸنۋدە. مەملەكەت باسشىسى وسى ايتىلعان مەسەلەلەردٸڭ وڭ شەشٸلۋٸن ٷنەمٸ باقىلاۋدا ۇستاپ وتىر.
سونىمەن قاتار كەلەسٸ اپتادا پرەزيدەنت ەلٸمٸزدەگٸ كوروناۆيرۋس جاعدايىنا قاتىستى كەزەكتٸ تەلەۆيزييالىق ٷندەۋٸن جارييالايدى.
