قر پرەزيدەنتٸ قاسىم-جومارت توقاەۆ «قالامقاس» مۇناي-گاز كەن ورنىنداعى ٶرتكە قاتىستى ٷكٸمەتكە تيٸستٸ تاپسىرمالار جٷكتەدٸ, دەپ حابارلايدى قازاقپارات.
«ٷكٸمەتكە «قالامقاس» كەن ورنىنداعى ٶرتتٸ توقتاتىپ, تٶتەنشە جاعدايدى قالىپقا كەلتٸرۋ جٶنٸندە تيٸستٸ شارالار قابىلداۋدى تاپسىردىم. بۇل مەسەلە - مەنٸڭ باقىلاۋىمدا», - دەپ جازدى پرەزيدەنت Twitter-دە.
بۇعان دەيٸن حابارلاعانىمىزداي, 13 ناۋرىزدا ماڭعىستاۋ اۋدانىنداعى «ماڭعىستاۋمۇنايگاز» اق-نىڭ «قالامقاس» مۇناي-گاز كەن ورنىندا «سي بۋ» ينجەنەرلٸك بۇرعىلاۋ كومپانيياسى» جشس №8237 ۇڭعىماسىن بۇرعىلاۋ بارىسىندا گاز-سۋ قوسپاسى اتقىلادى. ال 25 ناۋرىز كٷنٸ ساعات 07:10-دا ماڭعىستاۋ وبلىستىق تجد كەزەكشٸ-ديسپەتچەرلٸك قىزمەتٸنە «قالامقاس» كەن ورنىنداعى ۇڭعىمادان شىققان گاز جانىپ, بيٸكتٸ 10 مەترگە دەيٸن جالىن اتقىلاپ تۇرعاندىعى حابارلاندى.
بٷگٸن استانادا ٶتكەن باسپاسٶز مەسليحاتىندا قر ەنەرگەتيكا ۆيتسە-مينيسترٸ بولات اقشولاقوۆ كەن ورنىنداعى جاعدايعا قاتىستى تٷسٸنٸك بەردٸ.
«ماڭعىستاۋمۇنايگاز» اق ديسپەتچەرلٸك قىزمەتٸنٸڭ حابارلاۋىنشا, 13 ناۋرىز كٷنٸ №8237 ۇڭعىماسىن بۇرعىلاۋدا گاز-سۋ قوسپاسى اتقىلاعان. 13-24 ناۋرىز كٷندەرٸ ماماندار ۇڭعىمانى بور ەرٸتٸندٸسٸمەن شايۋ, وت تارالماۋ ٷشٸن جٶندەۋ جەنە وقشاۋلاۋ جۇمىستارىن جٷرگٸزدٸ. 25 ناۋرىز كٷنٸ ساعات 17:46-دا اپاتتى ۇڭعىما ماڭىندا گاز-سۋ قوسپاسىنىڭ وشاعى ٶرتەندٸ. «سەمسەر ٶرتسٶندٸرۋشٸ» قۇرامى وقيعا ورنىنا 17:58-دە جەتتٸ. زارداپ شەككەندەر مەن قازا بولعاندار جوق. 25 ناۋرىزدا ٶرتتٸ سٶندٸرۋ ٷشٸن اقتاۋدان تاعى 6 توپ ٶرت سٶندٸرۋشٸلەر, 4 اۆتوتسيستەرنا, جىلجىمالى سورعى ستانساسى جەنە گاز سٶندٸرەتٸن اۆتوموبيل جەتكٸزٸلدٸ», - دەدٸ ول.
ونىڭ ايتۋىنشا, وقيعا ورنىنا ماڭعىستاۋ وبلىسى تج دەپارتامەنتٸنٸڭ 12 ٶرت سٶندٸرۋ تەحنيكاسى مەن جەكە قۇرامىنان 53 ادام, «سەمسەر ٶرتسٶندٸرۋشٸ», «فايرپروتەكشن» كومپانييالارىنىڭ قىزمەتكەرلەرٸ جۇمىلدىرىلعان.
سونىمەن بٸرگە بٷگٸن شتاب ٶز تاكتيكاسىن ٶزگەرتەتٸنٸ تۋرالى حابارلانعان.
«№8237 ۇڭعىمانىڭ دا وتقا ورانۋىنا بايلانىستى, ٶرت شىققان وشاقتى وقشاۋلاۋ شەشٸمٸ قابىلداندى. سەيكەسٸنشە, ٶرتەنۋٸ مٷمكٸن بارلىق قاجەتتٸ قۇرالداردى الىپ شىعىپ, جالىن وشاعىن جويۋ قاجەت», - دەدٸ ب. اقشولاقوۆ.
