استانادا قازاقستاننىڭ حالىق ەرتٸسٸ, كٶرنەكتٸ وپەرا ەنشٸسٸ ەرمەك سەركەباەۆتىڭ تۋعانىنا 100 جىل تولۋىنا ارنالعان «عاسىر داۋىسى» اتتى مۋزىكالىق كەش ٶتتٸ, دەپ حابارلايدى ult.kz.
مەملەكەت باسشىسى قاسىم-جومارت توقاەۆتىڭ مەرەيتويلىق كونتسەرتكە قاتىسۋشىلارعا جولداعان قۇتتىقتاۋ حاتىن قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا وقىپ بەردٸ.
قۇتتىقتاۋدا ەرمەك سەركەباەۆتىڭ ۇلتتىق ٶنەردٸڭ ٶركەندەۋٸنە ٶلشەۋسٸز ٷلەس قوسقان بٸرەگەي دارىن يەسٸ ەكەنٸ ايتىلعان. پرەزيدەنت بٸرتۋار تۇلعانىڭ قازاق جەنە ەلەمدٸك وپەرالاردىڭ تاڭداۋلى پارتييالارىن اسقان شەبەرلٸكپەن ورىنداپ, تٶل مەدەنيەتٸمٸزدٸڭ ابىرويىن حالىقارالىق ساحنالاردا اسقاقتاتقانىن ايتتى.
«ەيگٸلٸ ٶنەر پەرزەنتٸ ەرمەك سەركەباەۆتىڭ 100 جىلدىعى يۋنەسكو كٶلەمٸندە اتالىپ ٶتەتٸن مەرەيتويلار تٸزٸمٸنە ەنگٸزٸلدٸ.
ەرمەك بەكمۇحامەدۇلى بٸرتۋار ەنشٸ ەرٸ ۇلاعاتتى ۇستاز بولدى. ول قۇرمانعازى اتىنداعى قازاق ۇلتتىق كونسەرۆاتوريياسىندا ۇزاق جىل قاجىرلى ەڭبەك ەتٸپ, كٶپتەگەن شەكٸرت تەربيەلەدٸ. وسىلايشا, قايتالانباس قولتاڭباسى بار ەن مەكتەبٸن قالىپتاستىردى.
دارا تۇلعانىڭ عاسىر تويى – ۇلتتىق مەرەي. ونىڭ ٶرەلٸ ٶنەرٸ, بەكزادا بولمىسى – ٶسكەلەڭ ۇرپاققا ٷلگٸ-ٶنەگە. سوندىقتان, ەرمەك سەركەباەۆتاي ۇلت پەرزەنتٸنٸڭ ەسٸمٸن ۇلىقتاۋ, ونىڭ مۇراسىن دەرٸپتەۋ بارشاعا ورتاق مٸندەت ەكەنٸ انىق», – دەلٸنگەن مەملەكەت باسشىسىنىڭ قۇتتىقتاۋىندا.
مەرەيتويلىق كەشكە ەرمەك سەركەباەۆتىڭ وتباسى مٷشەلەرٸنٸڭ قاتىستى. ساحنادا مۇرات سەركەباەۆ, بايعالي سەركەباەۆ جەنە جەميلە سەركەباەۆا ٶنەر كٶرسەتتٸ. بۇل ۇرپاقتار ساباقتاستىعىن دەرٸپتەۋدٸڭ, قازاق مۋزىكا ٶنەرٸنٸڭ تاريحىندا ٶزٸندٸك قولتاڭباسىن قالدىرعان دارا تۇلعانىڭ رۋحاني مۇراسىنا كٶرسەتٸلگەن قۇرمەتتٸڭ جارقىن كٶرٸنٸسٸ بولدى.
شىعارماشىل ەۋلەتتٸڭ ٶكٸلٸ مۇرات سەركەباەۆ مەملەكەت باسشىسىنىڭ مەدەنيەت سالاسىنا كٶرسەتٸپ وتىرعان قولداۋىنا ريزاشىلىعىن بٸلدٸرٸپ, مەرەيتويلىق كەشتٸڭ جوعارى دەڭگەيدە ۇيىمداستىرىلعانىن اتاپ ٶتتٸ.
«بٷگٸنگٸ كەش – بارشامىز ٷشٸن قۋانىشقا تولى مەرەكە. ەرمەك بەكمۇحامەدۇلى – ەسٸمٸ ۇرپاقتان ۇرپاققا جالعاسقان ۇلى ٶنەر يەسٸ. كونتسەرتتٸڭ مازمۇنى دا, ۇيىمداستىرىلۋى دا جوعارى دەڭگەيدە ٶتتٸ. كٶرەرمەننٸڭ ىستىق ىقىلاسى دا ايرىقشا. مەدەنيەتكە ٷنەمٸ كٶڭٸل بٶلٸپ, وسىنداي تاعىلىمى مول جوبالاردىڭ جٷزەگە اسۋىنا قولداۋ كٶرسەتٸپ وتىرعان مەملەكەت باسشىسىنا شىنايى العىسىمدى بٸلدٸرەمٸن. ەلٸمٸزدە كٶرنەكتٸ ٶنەر قايراتكەرلەرٸنٸڭ ەسٸمٸ ۇلىقتالىپ, ولاردىڭ مۇراسى كەيٸنگٸ بۋىنعا ناسيحاتتالىپ كەلە جاتقانى اسا ماڭىزدى», – دەدٸ مۇرات سەركەباەۆ.
ٶز كەزەگٸندە مۋزىكانت ەرٸ پروديۋسەر بايعالي سەركەباەۆ بۇل كەشتٸڭ وتباسى ٷشٸن عانا ەمەس, ەرمەك سەركەباەۆتىڭ شىعارماشىلىعىن قادٸرلەيتٸن بارشا جۇرت پەن ٶنەر قاۋىمى ٷشٸن دە ورنى بٶلەك ەكەنٸن ايتتى.
«ەكەمنٸڭ ەسٸمٸن ەردايىم ماقتانىشپەن ايتامىن. ول قازاق ٶنەرٸنٸڭ ٶركەندەۋٸنە ٶلشەۋسٸز ٷلەس قوسىپ, ەلٸمٸزدٸ ەلەمگە تانىتتى. ەكەمنٸڭ شىعارماشىلىق مۇراسىنا كٶرسەتٸلٸپ وتىرعان قۇرمەت ٷشٸن مەملەكەت باسشىسىنا شىنايى العىسىمدى بٸلدٸرەمٸن. سونداي-اق وسى كونتسەرتتٸڭ جوعارى دەڭگەيدە ٶتۋٸنە اتسالىسقان بارشا ۇيىمداستىرۋشى مەن ٶنەر يەسٸنە ريزاشىلىعىمدى جەتكٸزەمٸن. بٷگٸنگٸ كەش ٶنەر مەن رۋحانييات سالتانات قۇرعان ەرەكشە مەرەكە بولدى. مۋزىكانتتاردىڭ دا, كٶرەرمەندەردٸڭ دە ەرەكشە ەسەر الىپ, كٶڭٸلدەرٸ بٸر سەرپٸلٸپ قالعانى سٶزسٸز», – دەدٸ بايعالي سەركەباەۆ.
كەش بارىسىندا ەرمەك سەركەباەۆتىڭ رەپەرتۋارىنداعى قازاق مۋزىكا ٶنەرٸنٸڭ التىن قورىنا ەنگەن شىعارمالارىمەن قاتار, كٶپشٸلٸك سٷيٸپ تىڭدايتىن ەندەردٸڭ زاماناۋي ٶڭدەۋدەگٸ نۇسقاسى ورىندالدى.
مەرەيتويلىق كەش سوڭىندا قاتىسۋشىلارعا قازاقستان رەسپۋبليكاسى پرەزيدەنتٸنٸڭ اتىنان ىقىلاس گٷلٸ تابىستالدى.
