مەملەكەتتٸك كەڭەسشٸ ەرلان قارين Jibek Joly تەلەارناسىنداعى «ۋەدە» باعدارلاماسىندا سۇحبات بەردٸ. سۇحبات بارىسىندا ول ورتاق يدەولوگيياعا, رۋشىلدىق كەسەلٸنە, ۇلتتىق قۇرىلتاي جۇمىسىنا, ەلتاڭبانى اۋىستىرۋ باستاماسىنا قاتىستى ساۋالدارعا تۇششىمدى جاۋاپ بەردٸ.
مەملەكەتتٸك كەڭەسشٸنٸڭ باسا ايتۋىنشا, ەلتاڭبانى ٶزگەرتۋ – پرەزيدەنتتٸڭ ۇسىنىسى ەمەس. مەملەكەت باسشىسى ٶز سٶزٸندە «ەلتاڭبانى اۋىستىرۋعا قاتىستى ەرتٷرلٸ پٸكٸردٸڭ ايتىلاتىندىعىن, ەگەر قاجەت بولسا, كوميسسييا قۇرىپ تالقىلاۋ قاجەتتٸگٸن, وڭ شەشٸم قابىلدانسا بايقاۋ جارييالاۋ كەرەكتٸگٸن» عانا ايتقان.
«مەملەكەت باسشىسى ەلتاڭبانى مٸندەتتٸ تٷردە اۋىستىرۋ كەرەك دەگەن پٸكٸر ايتقان جوق. ٶكٸنٸشكە وراي, كٶپشٸلٸگٸ مەلٸمدەمەنٸ دۇرىس قارامايدى, وقىمايدى, تىڭدامايدى. شىن مەنٸسٸندە, پرەزيدەنت ول جەردە قوعامدا كەيبٸر ازاماتتىڭ ەلتاڭباعا قاتىستى ەرتٷرلٸ پٸكٸر ايتىپ جٷرگەنٸن, مەسەلەگە قاتىستى ۇستانىم قالىپتاسسا, وندا اشىق تٷردە تالقىلاۋ» كەرەكتٸگٸ تۋرالى پٸكٸر ايتتى», - دەيدٸ.
ونىڭ سٶزٸنە قاراعاندا, ەلتاڭبانى اۋىستىرۋ مەسەلەسٸن قوعام بەلسەندٸلەرٸ, قوعامدىق ۇيىمدار كٶتەرگەن. زەرتتەۋلەر دە جاسالعان. مۇنان بٶلەك, ۇلتتىق قۇرىلتايدىڭ بٸرقاتار مٷشەسٸ دە وسى مەسەلەگە ٷن قوسىپ, ەلتاڭبادان بٶلەك, ايماقتىق نىشانداردى بٸرٸزدەندٸرۋ مەسەلەسٸن قوزعاعان.
«ەلەۋمەتتٸك جەلٸدەن كٶرٸپ جٷرمٸن. «بارلىق شارۋا قالعانداي, ەندٸ مەملەكەتتٸك ەلتاڭبانى اۋىستىرۋ مەسەلەسٸمەن اينالىسىپ جاتىر» دەگەن سىندى پٸكٸرلەر بار. مۇنىڭ بەرٸ جاي سٶز. بارلىق مەسەلەنٸ ىسىرىپ قويىپ, ەلتاڭبانى اۋىستىرۋ مەسەلەسٸمەن اينالىسىپ جاتقان ەشكٸم جوق. اتىراۋداعى قۇرىلتاي ٶتكەننەن بەرٸ بٸراز ۋاقىت ٶتتٸ. ەشقانداي تالقىلاۋ, جيىن ٶتپەدٸ, ارنايى شەشٸم, قۇجات قابىلدانعان جوق. پٸكٸرتالاس قالاي جٷرٸپ جاتىر, سولاي جٷرٸپ جاتىر. ول – تەك قانا پٸكٸر. بولدى. سوندىقتان دا بۇل بيلٸك تاراپىنان جاسالىپ جاتقان ارنايى جۇمىس ەمەس. بۇل – قوعامداعى پٸكٸرتالاستىڭ بٸر كٶرٸنٸسٸ عانا. مەسەلەن, مەملەكەتتٸك كەڭەسشٸنٸڭ قىزمەتٸن قارايتىن بولساڭىز, كٶپتەگەن كوميسسييانىڭ جۇمىسىن ٷيلەستٸرۋمەن اينالىسامىن. ونىڭ بٸرٸ – گەرالديكا مەسەلەسٸ. ەگەر, مەملەكەت, بيلٸك كەيبٸرەۋلەر ايتىپ جٷرگەندەي بەرٸن ىسىرىپ قويىپ, ەلتاڭبانى اۋىستىرۋ مەسەلەسٸمەن اينالىساتىن بولسا, وندا مەن مٸندەتتٸ تٷردە گەرالديكا بويىنشا كوميسسييا وتىرىسىن ٶتكٸزٸپ, وسى مەسەلەنٸ ورتاعا سالار ەدٸم. جوق, ونىمەن اينالىسىپ جاتقانىمىز جوق», - دەدٸ ەرلان قارين.
