جىراقتا وقۋدا جٷرگەن جاستارىمىزدان ايىرىلىپ قالامىز دەپ ۋايىمداۋدىڭ جٶنٸ جوق. قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ماقالاسىندا وسىلاي مەلٸم ەتتٸ, دەپ حابارلايدى "ۇلت اقپارات".
«جاھاندانۋ زامانىندا ايداي ەلەم الاقانداعىداي بولىپ قالدى. تالاپتى ۇل-قىزدارىمىزدىڭ جەر جٷزٸندەگٸ كەز-كەلگەن ەلگە بارىپ, بٸلٸم الۋى قالىپتى ٷردٸسكە اينالدى. سوندا قالىپ, قىزمەت ٸستەپ جٷرگەندەر دە از ەمەس. وسى ورايدا, ەل ٸشٸندە جاستار شەتەلگە كەتٸپ جاتىر دەگەن الاڭداۋشىلىق بار. مەن جاستارىمىز بٸلٸمٸن جەتٸلدٸرٸپ, بەرٸبٸر ەلگە ورالادى نەمەسە شەتەلدە جٷرٸپ-اق قازاقستاننىڭ مٷددەسٸن قورعايدى دەپ سەنەمٸن», - دەدٸ مەملەكەت باسشىسى ماقالاسىندا.
پرەزيدەنت حالقىمىزدا «اتىڭ باردا جەر تانى, جەلٸپ جٷرٸپ» دەگەن سٶز بارىن, كەزٸندە ەلباسى بوزبالا شاعىندا ۋكرايناعا اتتانىپ, ەڭبەك, بٸلٸم جەنە ەكٸمشٸلٸك داعدىلارىنا يە بولعانىن, ٶزٸ دە بٸلٸم قۋىپ مەسكەۋگە ساپار شەگٸپ, ٶزگە مەملەكەتتەردە جۇمىس ٸستەگەنٸن ەسٸنە الادى.
«بٸزدٸڭ تالاي زامانداستارىمىز بٷگٸنگٸ جاستار سيياقتى الىس شەتەلدەرگە بارا الماسا دا, كەڭەس وداعىنىڭ تٷرلٸ قالالارىندا بٸلٸم الدى. بٸراق, باسىم كٶپشٸلٸگٸ تامىرىنان اجىراپ, ول جاقتا بٸرجولا قالىپ قويعان جوق. ەلگە كەلٸپ, ەڭبەك ەتتٸ. سوندىقتان جىراقتا جٷرگەن جاستارىمىزدان ايىرىلىپ قالامىز دەپ ۋايىمداۋدىڭ جٶنٸ جوق. بٸزدٸڭ مٸندەتٸمٸز – ولاردىڭ بويىنا مەملەكەتشٸلدٸك رۋحىن سٸڭٸرٸپ, قاي جەردە جٷرسە دە تۋعان ەلدٸڭ يگٸلٸگٸنە قىزمەت ەتۋگە جۇمىلدىرۋ. مىسالى, ەلەمنٸڭ ەڭ دامىعان ەلدەرٸندە ٶز كەسٸپتەرٸن باستاعان جەنە الپاۋىت كومپانييالاردا جۇمىس ٸستەپ جٷرگەن ازاماتتارىمىزدىڭ وسىنداعى زامانداستارىمەن بايلانىسىن نىعايتىپ, تەلٸمگەرلٸك ەتۋٸنە جاعداي جاساۋىمىز كەرەك», - دەيدٸ قاسىم-جومارت توقاەۆ.
پرەزيدەنت سونىمەن قاتار دارىندى جاستاردىڭ بەرٸ شەتەلدە جٷرمەگەنٸن ايتىپ ٶتتٸ. ەل ٸشٸندە دە بٸلٸكتٸ ەرٸ بٸلٸمدٸ ٶرەندەر جەتٸپ ارتىلادى.
«بٸز ولاردى باسشىلاردىڭ جاڭا بۋىنىن دايىنداۋعا بارىنشا تارتىپ جاتىرمىز. مەنٸڭ باستاماممەن قۇرىلعان پرەزيدەنتتٸك كادر رەزەرۆٸ – وسىنىڭ ايقىن دەلەلٸ. جوبانىڭ كەلەسٸ كەزەڭٸندە قوعام مٷددەسٸنە ادال كٶشباسشىلاردى ٸرٸكتەۋگە ەرەكشە نازار اۋدارامىز. بيلٸك ورگاندارىنداعى ازاماتتار, ەڭ الدىمەن, ۇلتتىق مٷددەگە بەرٸك بولۋعا تيٸس. بٸز نە ٸستەسەك تە, بەرٸن كەلەر ۇرپاق ٷشٸن جاسايمىز. مەملەكەتتٸك ساياساتتىڭ بولاشاق الدىنداعى جاۋاپكەرشٸلٸگٸن تەرەڭ سەزٸنەمٸز. بۇل ۇستانىمنان ەشقاشان اينىمايمىز. ەڭ عاجايىپ ەرلٸكتەر وتانعا شەكسٸز سٷيٸسپەنشٸلٸكتەن تۋىندايتىنى سٶزسٸز. شىن وتانسٷيگٸشتٸك دەگەنٸمٸز – جالاڭ ۇران تاستاۋ ەمەس, ەلٸڭە, حالقىڭا قىزمەت ەتۋ», - دەدٸ ول.
