فوتو: Akorda.kz
پرەزيدەنت Bayer AG كومپانيياسىنىڭ باسقارما مٷشەسٸ شتەفان ولريحپەن كەزدەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
Bayer AG كومپانيياسىنىڭ باسقارما مٷشەسٸ, فارماتسەۆتيكا باعىتىنىڭ باسشىسى شتەفان ولريحپەن كەزدەسۋ بارىسىندا دەنساۋلىق ساقتاۋ, ورنىقتى ەگٸنشٸلٸك جەنە عىلىمي زەرتتەۋلەر سالالارىنداعى ىنتىماقتاستىق پەرسپەكتيۆالارى تالقىلاندى.
مەملەكەت باسشىسى Bayer كومپانيياسىنىڭ زاماناۋي مەديتسينالىق ٶنٸمدەرٸنە قول جەتكٸزۋگە, سونداي-اق زەرتحانالار اشۋعا جەنە بٸرلەسكەن عىلىمي-زەرتتەۋ جوبالارىن جٷزەگە اسىرۋعا قازاقستاننىڭ زور قىزىعۋشىلىق تانىتىپ وتىرعانىنا نازار اۋداردى.
Bayer AG – دەنساۋلىق ساقتاۋ جەنە اۋىل شارۋاشىلىعى سالالارىنا ارنالعان مەديتسينالىق-بيولوگييالىق شەشٸمدەر ەزٸرلەۋگە ماماندانعان حالىقارالىق كونتسەرن.
قاسىم-جومارت توقاەۆ قازاقستاننىڭ بيوتەحنولوگييالىق كلاستەردٸ دامىتۋ جۇمىستارىن بەلسەندٸ جٷرگٸزٸپ جاتقانىن اتاپ ٶتتٸ. سونداي-اق اتالعان باعىتتاردا ەزٸرلەمەلەر دايىنداپ, ٶندٸرٸسكە ەنگٸزۋ ٷشٸن QazBioPharm ۇلتتىق بيوفارماتسەۆتيكالىق حولدينگٸ قۇرىلعانى جٶنٸندە ايتتى.
سونىمەن قاتار كەزدەسۋدە قازاقستانعا جاڭا دەرٸلٸك زاتتار ەكەلۋ رەسٸمدەرٸن جەڭٸلدەتۋ ٷشٸن ناقتى شارالار قابىلداۋ مەسەلەسٸ تالقىلاندى.
مەملەكەت باسشىسى ەلٸمٸزدٸڭ اۋىل شارۋاشىلىعىندا قولدانىلاتىن تىڭايتقىشتار, پەستيتسيدتەر جەنە باسقا دا بيوحيمييالىق زاتتار ٶندٸرۋ ٷشٸن كەسٸپورىن اشۋ ايرىقشا ماڭىزعا يە ەكەنٸنە نازار اۋداردى. پرەزيدەنتتٸڭ پٸكٸرٸنشە, سەلەكتسييا, گەندٸك ينجەنەرييا سالالارىنداعى عىلىمي جەنە ٸسكەرلٸك بايلانىستاردى دامىتۋعا مول ەلەۋەت بار.
