پرەزيدەنتتٸڭ ۇسىنعان جەنە جٷزەگە اسىرىلعان باستامالارىنىڭ باسىم بٶلٸگٸ مەملەكەت پەن قوعام اراسىنداعى بايلانىس تەتٸكتەرٸن جەتٸلدٸرۋگە نەگٸزدەلگەن. بٷگٸن قر پرەزيدەنتٸ جانىنداعى قسزي ديرەكتورىنىڭ ورىنباسارى سانات كٶشكٸمباەۆ وسىلاي مەلٸم ەتتٸ, دەپ حابارلايدى قازاقپارات.
«ساياساتتانۋدا مەملەكەت پەن قوعام اراسىنداعى كەرٸ بايلانىس تەتٸگٸ دەپ اتالاتىن تٷسٸنٸككە نازار اۋدارعىم كەلەدٸ. ياعني, ۇسىنىلعان ەرٸ ٸسكە اسىرىلعان پرەزيدەنت باستامالارىنىڭ ەلەۋلٸ بٶلٸگٸ مەملەكەت پەن قوعام اراسىنداعى كەرٸ بايلانىس تەتٸگٸن جەتٸلدەرۋگە نەگٸزدەلگەن. بۇل ٶز كەزەگٸندە بارشا تٷرلەنۋ مەن ٶزگەرٸستەردٸڭ نەگٸزٸ بولىپ تۇر. اتاپ ايتقاندا, بەيبٸت جيىنداردى قيىمداستىرۋ تەرتٸبٸن ٶزگەرتۋ, پارلامەنتتٸك وپپوزيتسييا ينستيتۋتىن قۇرۋ, جەرگٸلٸكتٸ ٶزٸن-ٶزٸ باسقارۋدى دامىتۋ كونتسەپتسيياسى بار», - دەدٸ ساراپشى «پرەزيدەنتتٸك جاڭا ساياسي رەفورمالار پاكەتٸ» تاقىرىبىنداعى ساراپشىلىق تالقىلاۋ بارىسىندا.
ونىڭ ايتۋىنشا, مەملەكەت باسشىسى ساياسي پارتييالاردىڭ پارلامەنت مەجٸلٸسٸنە ٶتۋٸ شەگٸن تٶمەندەتۋگە قاتىستى ماڭىزدى باستامانى كٶتەردٸ.
«بٸزدە بەس پارتييا سايلاۋعا قاتىستى. ٶتكەن سايلاۋ نەتيجەسٸن ەسكەرە وتىرىپ, 7 پايىزدىق مەجە ولارعا جوعارى بولىپ تۇر. ٶزدەرٸڭٸز بٸلەسٸزدەر, 5 پايىزدىق مەجەنٸ «اۋىل» پارتيياسى ەڭسەردٸ», - دەدٸ س. كٶشكٸمباەۆ.
ونىڭ پايىمىنشا, بارلىق دەڭگەيدەگٸ سايلاۋ بيۋللەتەنٸنە «بەرٸنە قارسىمىن» دەگەن جازۋدى ەنگٸزۋ دە ماڭىزدى.
«بۇل ٶز كەزەگٸندە اۋقىمدى ەلەۋمەتتٸك ساۋالناما ٸسپەتتەس. وسى ورايدا تۇرعىنداردىڭ تٸكەلەي پٸكٸرٸن بٸلۋگە, بارشا ساياسي كٷشتەرگە باعا ەرۋگە جول اشادى», - دەدٸ ساراپشى.
«مەنٸڭ ويىمشا, رەفورمالاردىڭ كەزەڭ-كەزەڭمەن ٶتۋٸ – ماڭىزدى قادام. بۇل قادامدار ساياسي تٷرلەنۋدٸڭ ٶزەكتٸ بٶلٸگٸ بولىپ تۇر», - دەدٸ سانات كٶشكٸمباەۆ.
ايتا كەتەيٸك, بٷگٸنگٸ ساراپشىلىق تالقىلاۋعا ساياسي پارتييالاردىڭ, ٷكٸمەتتٸك ەمەس ۇيىمداردىڭ ٶكٸلدەرٸ, زاڭگەرلەر, تانىمال ساياساتتانۋشىلار قاتىسىپ جاتىر.
