ۇلتتىق قۇرىلتايدىڭ العاشقى وتىرىسىندا مەملەكەت باسشىسى قاسىم-جومارت توقاەۆ ۇلىتاۋدىڭ ەتەگٸندە رەمٸزدەر الاڭىن اشۋدى ۇسىندى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«ۇلتتىق قۇرىلتايدىڭ ۇلىتاۋدا باستالعانى دۇرىس بولدى. كيەلٸ ٶلكەمٸز جاڭا قازاقستاندى قۇرۋ جولىنداعى بٸرلٸكتٸڭ سيمۆولىنا اينالدى.
وسى ورايدا, مەن تاعى بٸر ماڭىزدى باستاما كٶتەرگٸم كەلەدٸ. بۇل جەردە بارلىق رۋدىڭ تاڭباسى تاسقا جازىلعان. سول ارقىلى بابالارىمىز ۇلت بٸرلٸگٸن كٶرسەتكەن.
قانىش سەتباەۆ «ەلٸمٸزدٸڭ تۋ تٸككەن جەرٸ – تاڭبالى تاس» دەگەن. ٶكٸنٸشكە قاراي, قاستەرلٸ جازۋلار كەيٸن ەبدەن بٷلٸندٸ. ەل ازاماتتارى ۇلىتاۋعا ەسكەرتكٸش قويىپ, تاستاعى تاڭبالاردى جاڭعىرتتى. بٸراق بۇل جەتكٸلٸكسٸز دەپ ويلايمىن.
مۇندا قازاقتىڭ بٸرلٸگٸن ەيگٸلەيتٸن سەۋلەتتٸ نىسان تۇرۋى كەرەك. مەن ەۋليەتاۋدىڭ ەتەگٸندە مەملەكەتتٸك رەمٸزدەر الاڭىن اشۋدى تاپسىرامىن. قاسيەتتٸ ٶڭٸردە كٶك بايراعىمىز اسقاقتاپ تۇرۋعا تيٸس. سول ارقىلى ۇرپاقتار ساباقتاستىعى جالعاسىپ جاتقانىن كٶرسەتەمٸز. تامىرى تەرەڭ مەملەكەتتٸگٸمٸزدٸڭ جاڭا دەۋٸرٸ باستالعانىن بٸلدٸرەمٸز» - دەدٸ پرەزيدەنت.
