بيىلعى 1 شٸلدەدە قازاقستان رەسپۋبليكاسىنىڭ جاڭا كونستيتۋتسيياسى كٷشٸنە ەنەدٸ. وسى تاريحي داتا قارساڭىندا الماتى قالاسىندا قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا ەتنومەدەني بٸرلەستٸكتەردٸڭ ٶكٸلدەرٸنە مەملەكەت باسشىسى جولداعان جاڭا كونستيتۋتسييانىڭ ارنايى باسىلىمدارىن تابىستادى.
ٸس-شاراعا قاتىسۋشىلاردىڭ ەرقايسىسىنا پرەزيدەنتتٸڭ حاتى مەن كونستيتۋتسييا داناسى ۇسىنىلدى. ٶز حاتىندا مەملەكەت باسشىسى جەمٸستٸ ەڭبەگٸ جەنە ەدٸلەتتٸ قازاقستاندى قۇرۋعا قوسقان ٷلەسٸ ٷشٸن شىنايى ريزاشىلىعىن بٸلدٸرگەن.
«كونستيتۋتسييادا بەكٸتٸلگەن مىزعىماس قۇندىلىقتار ەل يگٸلٸگٸن ارتتىرىپ, قوعامنىڭ تۇراقتى دامۋىنا جول اشادى دەپ سەنەمٸن. مەملەكەتٸمٸز نىعايىپ, قاستەرلٸ وتانىمىز ٶسٸپ-ٶركەندەي بەرسٸن!» – دەلٸنگەن پرەزيدەنت حاتىندا.
جيىندا ٷكٸمەت باسشىسىنىڭ ورىنباسارى اتا زاڭدا قازاقستان قوعامىنىڭ ٸرگەلٸ قۇندىلىقتارى كٶرٸنٸس تاپقانىن اتاپ ٶتتٸ.
«كونستيتۋتسييانىڭ پرەامبۋلاسىندا بٷكٸل قوعام ٷشٸن ايرىقشا مەنگە يە نەگٸزگٸ قۇندىلىقتار مەن ۇستانىمدار ايقىندالعان. ولاردىڭ قاتارىندا ەدٸلەتتٸ قازاقستان يدەياسى, «زاڭ مەن تەرتٸپ» قاعيداتى, ادام مەن ازاماتتىڭ قۇقىقتارى مەن بوستاندىقتارىن مٷلتٸكسٸز ساقتاۋ, ەل بٸرلٸگٸ مەن قوعامدىق ىنتىماق, ەتنوسارالىق جەنە كونفەسسيياارالىق كەلٸسٸم بار. بۇل قۇندىلىقتار بەيبٸتشٸلٸك, سىيلاستىق پەن قوعامدىق سەنٸم ورنىقتى دامۋدىڭ بەرٸك نەگٸزٸنە اينالعان ەلٸمٸز ٷشٸن ەرەكشە ماڭىزدى. كونستيتۋتسييا مەملەكەتتٸك ينستيتۋتتارعا عانا ەمەس, ەربٸر ازاماتقا, ەربٸر قوعامدىق بٸرلەستٸككە, ٶزٸنٸڭ ادال ەڭبەگٸمەن جەنە بەلسەندٸ قىزمەتٸمەن قازاقستان حالقىنىڭ بٸرلٸگٸن نىعايتۋعا ٷلەس قوسىپ جٷرگەن بارشا قاۋىمعا ارنالعان», – دەپ اتاپ ٶتتٸ پرەمەر-مينيستردٸڭ ورىنباسارى.
ايدا بالاەۆا «قازاقستان حالىق كەڭەسٸ» كونسۋلتاتيۆتٸك-كەڭەسشٸ ينستيتۋتىنىڭ قۇرىلۋىنا دا ارنايى توقتالدى. ونىڭ قۇرامىنىڭ ٷشتەن بٸرٸن ەلٸمٸزدٸڭ ەتنومەدەني بٸرلەستٸكتەرٸنٸڭ مٷشەلەرٸ قۇرايدى. قالعان ورىندار كوممەرتسييالىق ەمەس ۇيىمدار مەن مەسليحات ٶكٸلدەرٸ اراسىندا تەڭگەرٸمدٸ تٷردە بٶلٸنەدٸ.
وسىلايشا, قازاقستان حالىق كەڭەسٸ حالىق ٷنٸنە قۇلاق اساتىن ەرٸ ەدٸلەتتٸ مەملەكەت قاعيداتتارىنا نەگٸزدەلگەن سىندارلى قوعامدىق ديالوگتى قالىپتاستىرۋعا ىقپال ەتەتٸن مٷلدە جاڭا ەرٸ بٸرەگەي ينستيتۋت بولماق.
ەسكە سالا كەتەيٸك, 15 ناۋرىزدا ٶتكەن رەسپۋبليكالىق رەفەرەندۋمدا قازاقستاننىڭ جاڭا كونستيتۋتسيياسى قابىلداندى. جاڭا رەداكتسييادا ەدٸلەتتٸ قازاقستاننىڭ نەگٸزگٸ قۇندىلىقتارى مەن «زاڭ مەن تەرتٸپ» قاعيداتى بەكٸتٸلٸپ, ادام قۇقىقتارى مەن بوستاندىقتارىن قورعاۋ كەپٸلدٸكتەرٸ كٷشەيتٸلدٸ. قۇجاتتاعى باستى جاڭاشىلدىقتاردىڭ قاتارىندا بٸر پالاتالى پارلامەنت – قۇرىلتايدىڭ جەنە قازاقستان حالىق كەڭەسٸنٸڭ قۇرىلۋى بار.
