مەملەكەت باسشىسى قاسىم-جومارت توقاەۆ «Ashyq» جٷيەسٸ انىقتاعان كارانتين بۇزۋشىلارعا تالاپتاردى قاتاڭداتۋدى تاپسىردى, دەپ حابارلايدى قازاقپارات اقوردانىڭ باسپاسٶز قىزمەتٸنە سٸلتەمە جاساپ.
«بۇعان دەيٸن ايتقانىمداي, بٸز پاندەمييا جاعدايىندا ٶمٸر سٷرٸپ, جۇمىس ٸستەۋدٸ ٷيرەنۋٸمٸز كەرەك. بيزنەس پەن تۇتىنۋشىلار ٷشٸن بۇل «Ashyq» تسيفرلىق شەشٸمٸنٸڭ ارقاسىندا عانا مٷمكٸن. باعدارلاما ٶز ماقساتىن اقتاپ كەلەدٸ. وعان قوسا, سوڭعى ۋاقىتتا ۆيرۋس جۇقتىرعاندار مەن بايلانىستا بولعاندار, ياعني قوعامدىق ورىندارعا باراتىن «قىزىل» جەنە «سارى» مەرتەبەسٸ بار ادامدار سانى ارتىپ كەلەدٸ», - دەدٸ قاسىم-جومارت توقاەۆ ەلٸمٸزدەگٸ ەپيدەميولوگييالىق احۋال جٶنٸندە كەڭەستە.
ونىڭ ايتۋىنشا, باعدارلاما «قىزىل» جەنە «سارى» مەرتەبەلەردٸ تٸركەگەننەن كەيٸن كەي ازاماتتار باسقا دەمالىس ورنىن ٸزدەپ كەتەدٸ.
«شاماسى, مۇنداي جاۋاپسىز ادامدار ايىپپۇلدان قورىقپايدى, ٶيتكەنٸ ەشكٸم ايىپپۇل سالىپ وتىرعان جوق. ال جسن مەن يممۋندىق مەرتەبە جٷيەدە تٸركەلٸپ جاتىر عوي. مۇنداي جاۋاپسىزدىق جازالانۋى كەرەك. كارانتيندٸك شەكتەۋلەردٸ ساقتاماعانى ٷشٸن تالاپتاردى قاتاڭداتۋدى تاپسىرامىن», - دەدٸ توقاەۆ.
