Memleket basshysy Qasym-Jomart Toqaev «Ashyq» júiesi anyqtaǵan karantin buzýshylarǵa talaptardy qatańdatýdy tapsyrdy, dep habarlaidy QazAqparat Aqordanyń baspasóz qyzmetine silteme jasap.
«Buǵan deiin aitqanymdai, biz pandemiia jaǵdaiynda ómir súrip, jumys isteýdi úirenýimiz kerek. Biznes pen tutynýshylar úshin bul «Ashyq» tsifrlyq sheshiminiń arqasynda ǵana múmkin. Baǵdarlama óz maqsatyn aqtap keledi. Oǵan qosa, sońǵy ýaqytta virýs juqtyrǵandar men bailanysta bolǵandar, iaǵni qoǵamdyq oryndarǵa baratyn «qyzyl» jáne «sary» mártebesi bar adamdar sany artyp keledi», - dedi Qasym-Jomart Toqaev elimizdegi epidemiologiialyq ahýal jóninde keńeste.
Onyń aitýynsha, baǵdarlama «qyzyl» jáne «sary» mártebelerdi tirkegennen keiin kei azamattar basqa demalys ornyn izdep ketedi.
«Shamasy, mundai jaýapsyz adamdar aiyppuldan qoryqpaidy, óitkeni eshkim aiyppul salyp otyrǵan joq. Al JSN men immýndyq mártebe júiede tirkelip jatyr ǵoi. Mundai jaýapsyzdyq jazalanýy kerek. Karantindik shekteýlerdi saqtamaǵany úshin talaptardy qatańdatýdy tapsyramyn», - dedi Toqaev.
