فوتو: Instagram.com
قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ ەلەۋمەتتٸك جەلٸدەگٸ پاراقشاسىندا بٷگٸنگٸ انالار كٷنٸ مەرەكەسٸمەن بارلىق قازاقستاندىق انالاردى قۇتتىقتاپ, ٶز اناسى – تۇرار شابارباەۆا تۋرالى ەستەلٸگٸن جازدى, دەپ حابارلايدى Ult.kz.
«تٶرت بالالى بٸزدٸڭ وتباسى قاراپايىم تۇردى. انام ۇزاق ۋاقىت بويى بەلگٸلٸ سەبەپتەرمەن جۇمىس ٸستەمەدٸ, ول كٸسٸ ٷي جۇمىسىن اتقاردى.
شەشەي ول كەزدە جاس ەيەل بولا تۇرا, كٶپ نەرسەدەن, ونىڭ ٸشٸندە ەشەكەي زاتتار مەن قىمبات كيٸمدەردەن تارتىناتىن. ەرينە, سەندٸ كيٸنٸپ, ەسەم ەشەكەيلەر تاققىسى كەلگەنٸ تابيعي عوي, الايدا بار ٶمٸرٸن پەرزەنتتەرٸنە ارناپ, انالىق پارىزىن قىسقا عۇمىرىنىڭ اقىرىنا دەيٸن اتقارىپ ٶتتٸ. تٸپتٸ, قىمبات دٷنيەلەر الاتىنداي مٷمكٸندٸك تۋعان كەزدە دە, ٶزٸنە ۇناعان زاتتاردى نەمەرەلەرٸنە ەپەرۋمەن شەكتەلەتٸن.
ٶز ٶمٸرٸمنٸڭ كەڭەس وداعى تاراۋىمەن تۇسپا-تۇس كەلگەن سىندارلى سەتٸندە انامنىڭ باتىل قولداعانى ەشقاشان ۇمىتىلمايدى. سول بٸر قاۋىرت كٷندەرٸ مەسكەۋدە قالىپ, رەسەي مەملەكەتٸنٸڭ سىرتقى ٸستەر مينيسترلٸگٸندە قىزمەت ٸستەۋ نەمەسە ەلگە قايتىپ ورالۋدى انىقتاۋ قاجەت ەدٸ. سوندا انامنىڭ «ەكەڭ تٸرٸ بولسا, ساعان بٸردەن قازاقستاندا قىزمەت ەتۋ كەرەك دەر ەدٸ» دەپ ايتقانى ەسٸمدە. بۇل سٶز بۇيرىقتاي بولىپ ەستٸلدٸ», - دەپ جازدى مەملەكەت باسشىسى ٶز ەستەلٸگٸندە.
