قر پرەمەر-مينيسترٸ ەليحان سمايىلوۆ پرەزيدەنتتٸڭ كەڭەسشٸسٸ سۋما چاكرابارتيمەن جەنە باە-نٸڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ مۇحاممەد سايد مۇحاممەد ەل-اريكيمەن كەزدەستٸ.
بۇل تۋرالى ٷكٸمەتتٸڭ رەسمي سايتى حابارلادى.
س. چاكرابارتيمەن قر ٷكٸمەتٸنٸڭ 2022 جىلعا ارنالعان ٸس-قيمىل باعدارلاماسىن تالقىلاي وتىرىپ, ۇسىنىلعان رەفورمالار قازاقستاننىڭ جاڭا ەكونوميكالىق ساياساتىنىڭ نەگٸزٸ بولىپ تابىلاتىنى ايتىلدى.
ەزٸرلەنگەن شارالار كەشەنٸ جول كارتاسىنىڭ 3 نەگٸزگٸ باعىتى — ەكونوميكالىق رەفورمالاردىڭ ستراتەگيياسى مەن باعدارلامالارىن جەتٸلدٸرۋ, مەملەكەتتٸك باسقارۋ, كوممۋنيكاتسييا جەنە برەند بويىنشا ٸسكە اسىرىلاتىن بولادى.
سونىمەن قاتار اۋماقتىق-كەڭٸستٸكتٸك دامۋدىڭ ٷش قاعيداتىن قامتيتىن, 2025 جىلعا دەيٸنگٸ اۋماقتىق دامۋ جوسپارىن ەزٸرلەۋ تاقىرىبى قوزعالدى.
«كەسٸپكەرلٸك سۋبەكتٸلەرٸن مەملەكەتتٸك قولداۋ شارالارىمەن قامتۋدى ارتتىرۋ ٷشٸن ٶڭٸرلٸك دامۋ باعدارلامالارى ەنگٸزٸلەتٸن بولادى. ٷكٸمەت ٶڭدەۋ ٶنەركەسٸبٸنٸڭ ەكسپورتقا باعدارلانعان جەنە يمپورتتى الماستىراتىن جوبالارىن قارجىلاندىرۋدىڭ تيٸمدٸ تەتٸگٸن ەزٸرلەيدٸ», — دەپ اتاپ ٶتتٸ ەليحان سمايىلوۆ.
باە-نٸڭ قر-داعى تٶتەنشە جەنە ٶكٸلەتتٸ ەلشٸسٸ مۇحاممەد سايد مۇحاممەد ەل-اريكيمەن كەزدەسۋدە ەكٸجاقتى كەلٸسٸمدەردٸڭ ٸسكە اسىرىلۋ بارىسى جەنە ينۆەستيتسييالار تارتۋ مەسەلەسٸ تالقىلاندى.
2021 جىلى ەلدەر اراسىنداعى تاۋار اينالىمى $709 ملن قۇرادى. 2020 جىلدىڭ قورىتىندىسى بويىنشا ٶزارا ساۋدا كٶلەمٸ $474,4 ملن بولدى.
«بٸز قازاقستان ەكونوميكاسىنا ينۆەستيتسييالاردى ۇلعايتۋ ارقىلى باە-مەن ٶزارا ٸس-قيمىلدى ەرٸ قاراي جانداندىرۋدى كٶزدەپ وتىرمىز. بٸز ٷشٸن «استانا» حالىقارالىق قارجى ورتالىعىنىڭ ەمٸرلٸكتٸڭ ٸرٸ قارجى ينستيتۋتتارىمەن, ونىڭ ٸشٸندە «Abu Dhabi Global Market» قارجى ورتالىعىمەن بەلسەندٸ ٶزارا ٸس-قيمىلىن جالعاستىرۋى اسا ماڭىزدى», — دەدٸ كەلٸسسٶز كەزٸندە ە. سمايىلوۆ.
قورىتىندىلاي كەلە, تاراپتار الدا اتقارىلاتىن جۇمىستار تۋرالى پٸكٸر الماسىپ, كٷن تەرتٸبٸندەگٸ مەسەلەلەردٸ ورىنداۋدىڭ ماڭىزدىلىعىن اتاپ كٶرسەتتٸ.
