بٷگٸن ٷكٸمەت وتىرىسىندا پرەمەر-مينيستر باقىتجان ساعىنتاەۆ ەكونوميكالىق ٶسٸم بويىنشا ٶڭٸرلەردٸڭ كەمشٸلٸكتەرٸن اتادى, دەپ حابارلايدى قازاقپارات.
«بيىلعى جەتٸ ايدىڭ قورىتىندىسى بويىنشا ٶسٸم 4 پايىزدى قۇراپ وتىر. بۇل كٶرسەتكٸش بەلگٸلەنگەن مەجە قالپىندا, سول سەبەپتٸ وسى باعىتتاعى جۇمىستارىمىزدى ارى قاراي جالعاستىرۋىمىز كەرەك», - دەپ توقتالدى ٷكٸمەت باسشىسى.
پرەمەردٸڭ سٶزٸنشە, جوسپارلاعان كٶرسەتكٸشتەرگە جەتۋ ۇسىنىستارىندا كەيبٸر مينيسترلٸكتەر مەن ەكٸمدٸكتەر تاراپىنان كەمشٸلٸكتەر بار.
«بٷگٸن باياندالعان وبلىس, قالا باسشىلارى قۇرىلىس پەن ٶندٸرٸس بويىنشا اي سايىنعى ايتاتىن ۋەجدەرٸن قايتالادى, ٶزگەرٸس جوق. ەگەر دە بٸز بٸر كەسٸپورىنعا نەمەسە بٸر عانا كەسٸپورىننىڭ ٸستەگەن جۇمىسىنا تەۋەلدٸ بولساق جۇمىس ٶنبەيدٸ. سوندىقتان دا بۇل مەسەلە بويىنشا اي سايىن ٸشكٸ تالداۋ جاساي وتىرىپ, تيٸستٸ ەسەپتەۋلەر جٷرگٸزۋ قاجەت. باياندامالارىڭىزدان كٶرٸپ وتىرعانداي, ونداي ساراپتاما بايقالمايدى. ياعني, تٶمەن كٶرسەتكٸشتەر اي سايىن ٶزگەرٸسسٸز قالىپ وتىر. سول سەبەپتەن, ينۆەستيتسييالار جەنە دامۋ, ەنەرگەتيكا مينيسترلٸكتەرٸ مەن باسقا دا سالالىق ۆەدومستۆولار, سونداي-اق ٶڭٸرلەر ەل ەكونوميكاسىنىڭ ٶسٸمٸن قامتامىسىز ەتۋ بويىنشا تيٸستٸ شارالاردى ٸسكە اسىرۋى قاجەت», - دەدٸ ب. ساعىنتاەۆ.
سونىمەن قاتار, پرەمەر-مينيستر ەربٸر ٶڭٸردەگٸ ەكونوميكالىق ٶسٸم مەسەلەلەرٸن قاتاڭ باقىلاۋعا الۋدى تاپسىردى.
«ەلباسىنىڭ جوعارى كٶرسەتكٸشتەرگە قول جەتكٸزۋ تۋرالى مٸندەتتەرٸن ورىنداۋ ٷشٸن اي سايىن ەربٸر ٶڭٸردە ەكونوميكانىڭ بارلىق سالالارى بويىنشا تيٸستٸ ٶسٸم بولۋى كەرەك. ەكونوميكا سالالارىنداعى ٶسٸمدٸ قامتاماسىز ەتۋ ٷشٸن ورتالىق جەنە جەرگٸلٸكتٸ اتقارۋشى ورگاندار جٷيەلٸ جۇمىستاردى كٷشەيتۋٸ تيٸس. اسقار ۇزاقبايۇلى (ٷكٸمەت باسشىسىنىڭ بٸرٸنشٸ ورىنباسارى ا. مامين- اۆت.) بۇل باعىتتاعى شارالاردى باقىلاۋعا الىڭىز», - دەدٸ باقىتجان ساعىنتاەۆ.
بۇدان بۇرىن حابارلانعانداي, بيىلعى قاڭتار-شٸلدە ايلارىندا ەلٸمٸزدە جالپى ٸشكٸ ٶنٸمنٸڭ ٶسۋٸ 4 پايىزدى قۇرادى.
