قازاقستان رەسپۋبليكاسىنىڭ پرەزيدەنتٸ ٷكٸمەتتٸ قر كونستيتۋتسيياسىندا كٶزدەلگەن تەرتٸپپەن قۇرادى, دەپ حابارلايدى "ۇلت اقپارات".
كونستيتۋتسييانىڭ 65-بابىنا سەيكەس, رەسپۋبليكا پرەمەر-مينيسترٸ تاعايىندالعاننان كەيٸنگٸ ون كٷن مەرزٸم ٸشٸندە پرەمەر-مينيستر ٷكٸمەتتٸڭ قۇرىلىمى مەن قۇرامى تۋرالى رەسپۋبليكا پرەزيدەنتٸنە ۇسىنىس ەنگٸزەدٸ.
سودان كەيٸن ٷكٸمەت مٷشەلەرٸ قازاقستان حالقى مەن پرەزيدەنتٸنە انت بەرەدٸ.
ەسكە سالا كەتسەك, بٷگٸن پارلامەنت مەجٸلٸسٸنٸڭ جالپى وتىرىسىندا ٷكٸمەت باسشىسى لاۋازىمىنا اسقار مامين تاعايىندالدى.
ەلباسى نۇرسۇلتان نازارباەۆ تا وسىعان دەيٸن «Nur Otan» پارتيياسى فراكتسيياسىنىڭ وتىرىسىندا ٷكٸمەت باسشىسىنىڭ كانديداتۋراسىنا پٸكٸر بٸلدٸرٸپ, اسقار ماميننٸڭ كانديداتۋراسىن قولداعان ەدٸ.
سونىمەن بٸرگە, بٷگٸن قر پرەزيدەنتٸ قاسىم-جومارت توقاەۆ 7-شٸ شاقىرىلعان پارلامەنتتٸڭ 1-شٸ سەسسيياسىن اشتى. مەملەكەت باسشىسى قۇرامى جاڭعىرعان جاڭا مەجٸلٸستٸڭ قىزمەتكە كٸرٸسۋٸ ەلٸمٸز ٷشٸن سيمۆولدىق مەنٸ بار ەكٸ وقيعامەن تۇسپا-تۇس كەلەتٸنٸن اتاپ ٶتتٸ. ول – ەل تەۋەلسٸزدٸگٸنٸڭ 30 جىلدىق مەرەيتويى مەن قازٸرگٸ زامانعى قازاقستان پارلامەنتاريزمٸنٸڭ شيرەك عاسىرلىق بەلەسكە جەتكەنٸ. مەملەكەت باسشىسى وسى تاريحي كەزەڭدە سەنٸم مانداتىنا يە بولعان دەپۋتاتتار حالىق ٷمٸتٸن اقتاپ, وتانىمىزعا ادال قىزمەت ەتەتٸنٸنە سەنٸم بٸلدٸردٸ.
