بٷگٸن ٷكٸمەت وتىرىسىندا قر پرەمەر-مينيسترٸ باقىتجان ساعىنتاەۆ جول بويىندا قىزمەت كٶرسەتۋ ورىندارىن سالۋعا جاۋاپتى «قازاۆتوجول» ۇلتتىق كومپانيياسىنىڭ باسشىسى ەرمەك قيزاتوۆتىڭ جۇمىسىن سىنعا الدى, دەپ حابارلايدى قازاقپارات تٸلشٸسٸ.
«ەرمەك ەنۋاربەكۇلى, سلايدتارىڭىزدا كٶرسەتٸلگەن ەر وبلىستاعى ٸستەردٸڭ بەرٸ وسىدان ەكٸ جىل بۇرىن ايتىلعان ستاندارتتارعا جاتپايدى. سٸز ەكٸ جىل بۇرىن وسىندا بايانداعاندا قازاقستان بويىنشا ستاندارتتار بەكٸتٸلدٸ, تيپتٸك كەشەندەر بولادى دەپ ايتقان بولاتىنسىز. وسى جولى تاعى دا قىزىلوردا وبلىسىن كٶرسەتٸپ وتىرسىز. اراعا ەكٸ جىل سالىپ, «بٸز وسىنداي مودۋلدٸ جاسادىق, ەندٸ سونى بەكٸتەمٸز» دەپ مەلٸمدەپ جاتىرسىز. سوندا ەكٸ جىل بويى ەر وبلىستا ٶزدەرٸنٸڭ تٷسٸنٸگٸنشە جۇمىس ٸستەگەن. بۇل رەتتە ستاندارتقا ساي ما نەمەسە سەيكەس كەلمەي مە? ونى ايتىپ وتىرعان سەبەبٸم, بٸز بيزنەس ٶكٸلدەلٸمەن كەزدەسٸپ تۇرامىز. وسى باعىتتا كٶلٸك جەنە لوگيستيكا شارۋالارمەن اينالىساتىن كەسٸپكەرلەر بار. ولاردىڭ تالاپتارى باسقاشا. بيزنەسمەندەر سٸزدٸڭ كٶرسەتٸپ وتىرعان تيپتٸك مودۋلدەرٸڭٸزدٸ سۇراپ وتىرعان جوق, ياعني كەسٸپكەرلەر باسقا باسىمدىقتارعا نازار اۋدارۋدا. سٸزدٸڭ تٷسٸنٸگٸڭٸز بٸر بٶلەك, بيزنەستٸڭ تالابى بٸر بٶلەك. ەكٸ جىل ٶتكەننەن كەيٸن «KazWay» (جول بويىنداعى سەرۆيستٸڭ مودۋلدٸك پاۆيلونى) دەگەندٸ جاسايمىز دەپ كٶرسەتٸپ وتىرسىز. سوندا ەكٸ جىل بويى نە ٸستەدٸك?», - دەدٸ باقىتجان ساعىنتاەۆ «قازاۆتوجول» باسشىسىنا قاراتا.
ٶز كەزەگٸندە ەرمەك قيزاتوۆ جوبالار اياقتالۋعا جاقىنداعانىن, وبلىستارمەن پىسىقتالعانىن ايتىپ باقتى.
الايدا ٷكٸمەت باسشىسى «قازاۆتوجول» ۇك باسشىسىنىڭ ايتقان ۋەجٸمەن كەلٸسپەدٸ.
«سٸزدەر اياقتاعانعا دەيٸن, بٷكٸل وبلىستار ٶزدەرٸنٸڭ تٷسٸنٸگٸندە سالىپ تاستايدى. جولدىڭ بويىندا بوس جەر جوق. سٸز شەتەلگە شىعىپ جٷرسٸز, جولدىڭ بويىنداعى قىزمەتتەردٸڭ قانداي بولاتىنىن كٶردٸڭٸز. قازٸر تانىستىرعان جۇمىستار سٸزدەرگە ەمەس, ەكٸمدەرگە تيەسٸلٸ. ول بٸز ويلاعان تيپتٸك پاۆيلوندارعا سەيكەس كەلمەيدٸ», - دەدٸ پرەمەر- مينيستر.
