پرەمەر-مينيستر اسقار ماميننٸڭ تٶراعالىعىمەن ٶتكەن 2019 جىلعى قاڭتار–مامىر ارالىعىنداعى ەلٸمٸزدٸڭ ەلەۋمەتتٸك-ەكونوميكالىق دامۋىنىڭ جەنە رەسپۋبليكالىق بيۋدجەتتٸڭ ورىندالۋىنىڭ قورىتىندىلارى تۋرالى قر ٷكٸمەتٸنٸڭ وتىرىسىندا ۇلتتىق ەكونوميكا, قارجى, يندۋسترييا جەنە ينفراقۇرىلىمدىق دامۋ, ەنەرگەتيكا, اۋىل شارۋاشىلىعى مينيسترلەرٸ باياندادى. قر ۇلتتىق بانكٸ مەن بٸرقاتار ٶڭٸرلەردٸڭ ەكٸمدەرٸنٸڭ باياندامالارى تىڭدالدى, دەپ حابارلايدى primeminister.kz پورتالى.
«بيىلعى قاڭتار–مامىر ايلارىندا جالپى ٸشكٸ ٶنٸمنٸڭ ٶسٸمٸ ٶتكەن جىلعا قاراعاندا 4% قۇرادى», — دەپ قر ٷكٸمەتٸنٸڭ باسشىسى, ەكونوميكالىق دامۋ قارقىنىن ارتتىرۋ بويىنشا شارالار قابىلداۋدى تاپسىردى.
ەكونوميكانىڭ نەگٸزگٸ قوزعاۋشى كٷشتەرٸ قۇرىلىستىڭ 8,8%-عا, ساۋدانىڭ 7,5%-عا, كٶلٸك سالاسىنىڭ 5,3%-عا, ٶڭدەۋشٸ سەكتور, ونىڭ ٸشٸندە ماشينا جاساۋدىڭ 16%-عا, اۆتوٶنەركەسٸپتٸڭ 46,4%-عا ٶسۋٸ بولدى.
وسى جىلدىڭ 5 ايىنىڭ قورىتىندىسى بويىنشا ەلەۋمەتتٸك-ەكونوميكالىق دامۋ بويىنشا اقمولا, پاۆلودار, شىعىس قازاقستان, قوستاناي, تٷركٸستان وبلىستارىنىڭ وڭ جۇمىسى بايقالدى.
قر پرەمەر-مينيسترٸ ا. مامين ٶڭٸرلەر ەكٸمدەرٸنە قۇرىلىس, ينۆەستيتسييالار, ٶنەركەسٸپ جەنە تۇرعىن ٷيدٸ پايدالانۋعا بەرۋ سالالارىندا كٶرسەتكٸشتەردٸڭ ٶسۋٸن قامتاماسىز ەتۋ بويىنشا شارالاردى كٷشەيتۋدٸ تاپسىردى.
بيىلعى مامىردا ايلىق ينفلياتسييا 0,6% قۇرادى. وسىلايشا, جىل باسىنان بەرٸ ينفلياتسييا 2,4% قۇرادى. قر ٷكٸمەتٸنٸڭ باسشىسى بەلگٸلەنگەن دەلٸزگە (4–6%) سەيكەستٸگٸنە قاراماستان, بٸرقاتار ٶڭٸرلەردە اۋىل شارۋاشىلىعى تاۋارلارىنا باعانىڭ ٶسۋٸ بايقالعانىن ايتتى.
«اتىراۋ, ماڭعىستاۋ وبلىستارى مەن نۇر-سۇلتان, شىمكەنت قالالارىندا ينفلياتسييانىڭ ازداعان ٶسٸمٸ بايقالادى. بۇل نەگٸزٸنەن اگوروٶنەركەسٸپ تاۋارلارى باعالارىنىڭ ٶسۋٸنەن بولىپ وتىر. قازٸر جەمٸس-جيدەك پەن كٶكٶنٸستەردٸڭ كٶپ ۋاقىتى, سوندىقتان باعالار ارزانداۋى كەرەك, — دەدٸ اسكار مامين. — ەكٸمدەر, ەسٸرەسە, ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتى ۇستاۋ بويىنشا ناقتى شارالار قابىلداسىن».
رەسپۋبليكالىق بيۋدجەتتٸڭ ورىندالۋى بويىنشا كونكۋرستىق رەسٸمدەردٸ ۋاقىتىلى ٶتكٸزۋ بويىنشا كٷشەيتٸلگەن جۇمىستاردى جالعاستىرۋ قاجەتتٸگٸ اتاپ ٶتٸلدٸ. بۇل بيۋدجەت قاراجاتىن يگەرۋ بويىنشا تەۋەكەلدەردٸ جويۋعا مٷمكٸندٸك بەرەدٸ.
مەسەلەنٸ قورىتىندىلاعان قر پرەمەر-مينيسترٸ اسقار مامين قازاقستان رەسپۋبليكاسىنىڭ تۇنعىش پرەزيدەنتٸ نۇرسۇلتان نازارباەۆتىڭ ستراتەگييالىق باعدارىن جەنە جاڭا سايلانعان مەملەكەت باسشىسى قاسىم-جومارت توقاەۆتىڭ سايلاۋالدى باعدارلاماسىنىڭ تولىعىمەن جٷزەگە اسىرىلۋىن قامتاماسىز ەتۋدٸڭ ماڭىزدىلىعىن اتاپ ٶتتٸ. بۇل ەكونوميكانىڭ جەنە ينفراقۇرىلىمنىڭ تۇراقتى دامۋى, قولجەتٸمدٸ باسپانامەن قامتاماسىز ەتۋ, سونىمەن قاتار بٸلٸم بەرۋ, دەنساۋلىق ساقتاۋ مەسەلەسٸن جاقسارتۋ ارقىلى حالىقتىڭ تابىسىن جەنە تۇرمىس ساپاسىن ارتتىرۋ. مەملەكەت باسشىسىنىڭ سايلاۋالدى تۇعىرناماسىنىڭ ستراتەگييالىق مٸندەتتەرٸن تيٸمدٸ جٷزەگە اسىرۋدىڭ ارقاسىندا ەلەۋمەتتٸك مەسەلەلەردٸ شەشۋگە مٷمكٸندٸك جاسالادى.
«جاڭا جۇمىس ورىندارىن اشۋ – ٷكٸمەت جۇمىسىنىڭ باسىمدىقتى مٸندەتٸ, — دەپ ا. مامين, نەتيجەلٸ جۇمىسپەن قامتۋ مەسەلەلەرٸ ەكونوميكانىڭ دامۋىنا, تۇرعىنداردىڭ تابىسىن ارتتىرۋعا, بەسەكەلٸ ٶندٸرٸستەردٸڭ اشىلۋىنا تٸكەلەي بايلانىستى ەكەنٸن اتاپ ٶتتٸ. — بارلىق ەكٸمدەر جەنە مەملەكەتتٸك ورگانداردىڭ باسشىلارى ينۆەستيتسييالار تارتۋعا, شاعىن جەنە ورتا بيزنەستٸڭ دامۋىنا بارىنشا كٶڭٸل بٶلۋٸ كەرەك. بۇل جۇمىستى ٷزدٸكسٸز جٷرگٸزۋ قاجەت».
