Premer-Ministr Asqar Maminniń tóraǵalyǵymen ótken 2019 jylǵy qańtar–mamyr aralyǵyndaǵy elimizdiń áleýmettik-ekonomikalyq damýynyń jáne respýblikalyq biýdjettiń oryndalýynyń qorytyndylary týraly QR Úkimetiniń otyrysynda ulttyq ekonomika, qarjy, indýstriia jáne infraqurylymdyq damý, energetika, aýyl sharýashylyǵy ministrleri baiandady. QR Ulttyq banki men birqatar óńirlerdiń ákimderiniń baiandamalary tyńdaldy, dep habarlaidy primeminister.kz portaly.
«Biylǵy qańtar–mamyr ailarynda jalpy ishki ónimniń ósimi ótken jylǵa qaraǵanda 4% qurady», — dep QR Úkimetiniń basshysy, ekonomikalyq damý qarqynyn arttyrý boiynsha sharalar qabyldaýdy tapsyrdy.
Ekonomikanyń negizgi qozǵaýshy kúshteri qurylystyń 8,8%-ǵa, saýdanyń 7,5%-ǵa, kólik salasynyń 5,3%-ǵa, óńdeýshi sektor, onyń ishinde mashina jasaýdyń 16%-ǵa, avtoónerkásiptiń 46,4%-ǵa ósýi boldy.
Osy jyldyń 5 aiynyń qorytyndysy boiynsha áleýmettik-ekonomikalyq damý boiynsha Aqmola, Pavlodar, Shyǵys Qazaqstan, Qostanai, Túrkistan oblystarynyń oń jumysy baiqaldy.
QR Premer-Ministri A. Mamin óńirler ákimderine qurylys, investitsiialar, ónerkásip jáne turǵyn úidi paidalanýǵa berý salalarynda kórsetkishterdiń ósýin qamtamasyz etý boiynsha sharalardy kúsheitýdi tapsyrdy.
Biylǵy mamyrda ailyq infliatsiia 0,6% qurady. Osylaisha, jyl basynan beri infliatsiia 2,4% qurady. QR Úkimetiniń basshysy belgilengen dálizge (4–6%) sáikestigine qaramastan, birqatar óńirlerde aýyl sharýashylyǵy taýarlaryna baǵanyń ósýi baiqalǵanyn aitty.
«Atyraý, Mańǵystaý oblystary men Nur-Sultan, Shymkent qalalarynda infliatsiianyń azdaǵan ósimi baiqalady. Bul negizinen agoroónerkásip taýarlary baǵalarynyń ósýinen bolyp otyr. Qazir jemis-jidek pen kókónisterdiń kóp ýaqyty, sondyqtan baǵalar arzandaýy kerek, — dedi Askar Mamin. — Ákimder, ásirese, áleýmettik mańyzy bar azyq-túlik taýarlarynyń baǵasyn turaqty ustaý boiynsha naqty sharalar qabyldasyn».
Respýblikalyq biýdjettiń oryndalýy boiynsha konkýrstyq rásimderdi ýaqytyly ótkizý boiynsha kúsheitilgen jumystardy jalǵastyrý qajettigi atap ótildi. Bul biýdjet qarajatyn igerý boiynsha táýekelderdi joiýǵa múmkindik beredi.
Máseleni qorytyndylaǵan QR Premer-Ministri Asqar Mamin Qazaqstan Respýblikasynyń Tunǵysh Prezidenti Nursultan Nazarbaevtyń strategiialyq baǵdaryn jáne jańa sailanǵan Memleket basshysy Qasym-Jomart Toqaevtyń sailaýaldy baǵdarlamasynyń tolyǵymen júzege asyrylýyn qamtamasyz etýdiń mańyzdylyǵyn atap ótti. Bul ekonomikanyń jáne infraqurylymnyń turaqty damýy, qoljetimdi baspanamen qamtamasyz etý, sonymen qatar bilim berý, densaýlyq saqtaý máselesin jaqsartý arqyly halyqtyń tabysyn jáne turmys sapasyn arttyrý. Memleket basshysynyń sailaýaldy tuǵyrnamasynyń strategiialyq mindetterin tiimdi júzege asyrýdyń arqasynda áleýmettik máselelerdi sheshýge múmkindik jasalady.
«Jańa jumys oryndaryn ashý – Úkimet jumysynyń basymdyqty mindeti, — dep A. Mamin, nátijeli jumyspen qamtý máseleleri ekonomikanyń damýyna, turǵyndardyń tabysyn arttyrýǵa, básekeli óndiristerdiń ashylýyna tikelei bailanysty ekenin atap ótti. — Barlyq ákimder jáne memlekettik organdardyń basshylary investitsiialar tartýǵa, shaǵyn jáne orta biznestiń damýyna barynsha kóńil bólýi kerek. Bul jumysty úzdiksiz júrgizý qajet».
