پرەمەر-مينيستر ەليحان سمايىلوۆ كەسٸپكەرلٸك قىزمەتتە "تازا پاراقتان باستاپ" رەتتەۋدٸ ەنگٸزۋ جەنە مەملەكەتتٸك باقىلاۋ مەن قاداعالاۋدى اۆتوماتتاندىرۋ جٶنٸندە كەڭەس ٶتكٸزدٸ, - دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ۇلتتىق ەكونوميكا مينيسترٸ ەلٸبەك قۋانتىروۆ كٶلٸك, ساۋدا, قوعامدىق تاماقتانۋ, قوناقٷي قىزمەتتەرٸ, جىلجىمايتىن مٷلٸكپەن وپەراتسييالار, تاۋ-كەن ٶندٸرۋ ٶنەركەسٸبٸ, كومپيۋتەرلٸك باعدارلامالاۋ, تۇتىنۋشىلاردىڭ قۇقىقتارىن قورعاۋ, اقپارات جەنە بايلانىس سالالارىنداعى رەتتەۋشٸ اكتٸلەرگە جٷرگٸزٸلگەن تالداۋ اياقتالعانىن اتاپ ٶتتٸ.
ونىڭ قورىتىندىسى بويىنشا انىقتالعان 22 مىڭنان اسا تالاپتىڭ شامامەن 3,8 مىڭى (17 پايىز) جاڭا رەتتەۋشٸلٸك ساياساتتىڭ بازالىق شارتتارىنا سەيكەس كەلمەيدٸ, سوندىقتان ولاردىڭ كٷشٸ جويىلادى نەمەسە قايتا قارالادى.
وسى جۇمىستىڭ بٸرٸنشٸ كەزەڭٸ اياسىندا تاعى جەتٸ سالا بويىنشا تالداۋ جالعاسىپ جاتىر. بۇل اۋىل شارۋاشىلىعى, قويمالاۋ, قۇبىر كٶلٸگٸ, قۇرىلىس, اۆتوموبيلدەر مەن موتوتسيكلدەردٸ جٶندەۋ, كٶشٸ-قون, اۆتورلىق قۇقىق جەنە ارالاس قۇقىقتارعا قاتىستى.
پرەمەر-مينيستر تيٸستٸ ٷيلەستٸرۋدٸڭ بولماۋىنان كەيبٸر مەملەكەتتٸك ورگاندار بەلگٸلەنگەن مەرزٸمدەردٸ ساقتامايتىنىن جەنە بۇل بەكٸتٸلگەن جوسپار-كەستەنٸ ورىنداۋدى كەشٸكتٸرەتٸنٸن اتاپ ٶتتٸ.
"بۇل رەفورمانىڭ ماڭىزدى ەكەنٸن تاعى دا قايتالايمىن. ٷنەمٸ كەيٸنگە قالدىرا بەرۋگە بولمايدى, بۇل تۋرالى قانشا ايتۋعا بولادى? بارلىق نەگٸزسٸز تالاپتاردى تەزٸرەك الىپ تاستاۋىمىز كەرەك. رەتتەۋشٸ اكتٸلەر بويىنشا بارلىق جۇمىستى بيىل اياقتاۋ قاجەت", - دەدٸ ەليحان سمايىلوۆ.
پرەمەر-مينيستر بيزنەسكە قويىلاتىن جاڭا تالاپتاردى ەنگٸزۋدە ٶتە مۇقييات بولۋ كەرەكتٸگٸن ايتتى.
"جاڭادان قابىلداناتىن رەتتەۋشٸلٸك تالاپتارعا باقىلاۋدى كٷشەيتۋٸمٸز كەرەك. ەگەر "اتامەكەن" ۇكپ تاراپىنان قانداي دا بٸر مەسەلە بويىنشا كەلٸسپەۋشٸلٸك بولسا, وندا بۇل مەسەلەنٸ شەشۋ كەرەك, بۇعان كٶز جۇما قاراۋعا بولمايدى", - دەدٸ ەليحان سمايىلوۆ.
سونىمەن قاتار وتىرىستا مەملەكەتتٸك باقىلاۋ جٷيەسٸن تولىق اۆتوماتتاندىرۋعا كٶشۋ اياسىندا مەملەكەتتٸك ورگانداردىڭ اقپاراتتىق جٷيەلەرٸن تالداۋ اياقتالىپ, سالالىق تەۋەكەلدەر ماتريتسالارى قالىپتاستىرىلعانى اتاپ ٶتٸلدٸ.
بٷگٸنگٸ تاڭدا Smart Data Ukimet اقپاراتتىق-تالداۋ جٷيەسٸ جاڭارتىلىپ جاتىر, ونى 2023 جىلدىڭ ورتاسىندا پايدالانۋعا بەرۋ جوسپارلانىپ وتىر.
سونداي-اق, پرەمەر-مينيستر بۇل جۇمىستى جانداندىرۋدى جەنە مەملەكەتتٸك ورگاندارمەن كەلٸسۋ مەرزٸمدەرٸن قىسقارتۋدى قايتا قاراۋدى تاپسىردى.
