پارتيياٸشٸلٸك سايلاۋعا ٷمٸتكەرلەردٸ تٸركەۋ مەرزٸمٸ اياقتالىپ, قورىتىندىسى جارييالاندى. اقتٶبەدەن 486 ادام باق سىناۋعا بەل بۋىپ وتىر, دەپ حابارلايدى "ۇلت اقپارات".
«Nur Otan» پارتيياسى اقتٶبە وبلىستىق فيليالى تٶراعاسىنىڭ بٸرٸنشٸ ورىنباسارى ەربول داناعۇلوۆتىڭ ايتۋىنشا, تٸركەلگەن ٷمٸتكەرلەردٸڭ 35,8 پايىزى - ەيەل, 29 پايىزى - 35 جاسقا دەيٸنگٸ جاستار. باستاۋىش پارتييا ۇيىمدارىنان 221 ازامات ۇسىنىلسا, ٶزٸن-ٶزٸ ۇسىنۋشىلار – 265 ادام.
پرايمەريزگە قاتىسۋعا اقتٶبە قالاسى, مۇعالجار, حرومتاۋ, شالقار, العا اۋداندارى ەرەكشە بەلسەندٸلٸك تانىتقان. ٷمٸتكەرلەر 31 تامىزدان 6 قىركٷيەككە دەيٸن ٷگٸت-ناسيحات ناۋقانىنا دايىندالىپ, 7 قىركٷيەكتەن باستاپ ٷگٸت جٷرگٸزۋگە كٸرٸسەدٸ. ونىڭ ٸشٸندە 25 ورىندا جارييا پٸكٸرسايىس ٶتكٸزۋ قاراستىرىلعان. بارلىق ٷمٸتكەر قاتىسۋعا مٸندەتتٸ.
«ٷمٸتكەرلەر بٸرٸنشٸ كەزەڭدە ناقتى ەلدٸ مەكەندەردٸڭ مەسەلەلەرٸن شەشۋ بويىنشا ٶز ۇسىنىسىن تانىستىرادى. ياعني, جەرگٸلٸكتٸ جەرلەردەگٸ ٶزەكتٸ مەسەلەلەردٸ اشىق كٶتەرٸپ, ناقتى شەشٸم جولىن كٶرسەتۋٸ تيٸس. ەكٸنشٸ كەزەڭدە «سۇراق-جاۋاپ» فورماتىندا پٸكٸرسايىس سەسسيياسى ٶتەدٸ. پٸكٸرسايىستىڭ جالپى ۇزاقتىعى 90 مينۋتتان اسپايدى», -دەپ ەربول داناعۇلوۆ جارييا پٸكٸرسايىستاردى ٶتكٸزۋ تەرتٸبٸن ايتىپ ٶتتٸ.
پارتيياٸشٸلٸك سايلاۋدا ادامداردىڭ قاۋٸپسٸزدٸگٸ باستى ورىنعا قويىلعان. ٷمٸتكەرلەردٸڭ جارييا پٸكٸرسايىستارى, پارتييا مٷشەلەرٸمەن كەزدەسۋلەرٸ كەم دەگەندە 2 مەتر اراقاشىقتىقتى ساقتاي وتىرىپ ٶتەدٸ.
سونداي-اق كەزدەسۋلەردٸ كٶبٸنە اشىق الاڭدا, ال پٸكٸرسايىستاردى ونلاين فورماتتا ۇيىمداستىرۋ قاراستىرىلعان. 1-3 قازان ارالىعىندا وبلىستاعى 33 مىڭنان استام پارتييا مٷشەسٸنٸڭ داۋىس بەرۋٸ ٷشٸن 136 داۋىس بەرۋ ۋچاسكەسٸ بەلگٸلەندٸ.
ينتەرنەتٸ بار 42 ۋچاسكەدە دەستٷرلٸ بيۋللەتەنمەن, 94 ۋچاسكەدە ونلاين داۋىس بەرۋ جوسپارلانىپ وتىر.
«بٷگٸننەن باستاپ ٷمٸتكەرلەرمەن كەزدەسۋ ۇيىمداستىرىپ, ٷگٸت-ناسيحات جۇمىستارى تۋرالى جان-جاقتى اقپارات بەرۋدٸ باستادىق. ٷمٸتكەرلەرٸمٸز شەتٸنەن بٸلٸمدٸ, بەلسەندٸ, ٶز كٷشٸنە سەنٸمدٸ. باستىسى ەلٸمٸزدٸڭ دامۋىنا مٷددەلٸ. بٸز ولارعا تەڭ مٷمكٸندٸك بەرٸپ, ادال, اشىق تٷردە باق سىناۋلارىنا بار جاعدايدى جاسايمىز», - دەدٸ ەربول داناعۇلوۆ.
