Partiiaishilik sailaýǵa úmitkerlerdi tirkeý merzimi aiaqtalyp, qorytyndysy jariialandy. Aqtóbeden 486 adam baq synaýǵa bel býyp otyr, dep habarlaidy "Ult aqparat".
«Nur Otan» partiiasy Aqtóbe oblystyq filialy tóraǵasynyń birinshi orynbasary Erbol Danaǵulovtyń aitýynsha, tirkelgen úmitkerlerdiń 35,8 paiyzy - áiel, 29 paiyzy - 35 jasqa deiingi jastar. Bastaýysh partiia uiymdarynan 221 azamat usynylsa, ózin-ózi usynýshylar – 265 adam.
Praimerizge qatysýǵa Aqtóbe qalasy, Muǵaljar, Hromtaý, Shalqar, Alǵa aýdandary erekshe belsendilik tanytqan. Úmitkerler 31 tamyzdan 6 qyrkúiekke deiin úgit-nasihat naýqanyna daiyndalyp, 7 qyrkúiekten bastap úgit júrgizýge kirisedi. Onyń ishinde 25 orynda jariia pikirsaiys ótkizý qarastyrylǵan. Barlyq úmitker qatysýǵa mindetti.
«Úmitkerler birinshi kezeńde naqty eldi mekenderdiń máselelerin sheshý boiynsha óz usynysyn tanystyrady. Iaǵni, jergilikti jerlerdegi ózekti máselelerdi ashyq kóterip, naqty sheshim jolyn kórsetýi tiis. Ekinshi kezeńde «suraq-jaýap» formatynda pikirsaiys sessiiasy ótedi. Pikirsaiystyń jalpy uzaqtyǵy 90 minýttan aspaidy», -dep Erbol Danaǵulov jariia pikirsaiystardy ótkizý tártibin aityp ótti.
Partiiaishilik sailaýda adamdardyń qaýipsizdigi basty orynǵa qoiylǵan. Úmitkerlerdiń jariia pikirsaiystary, partiia múshelerimen kezdesýleri kem degende 2 metr araqashyqtyqty saqtai otyryp ótedi.
Sondai-aq kezdesýlerdi kóbine ashyq alańda, al pikirsaiystardy onlain formatta uiymdastyrý qarastyrylǵan. 1-3 qazan aralyǵynda oblystaǵy 33 myńnan astam partiia múshesiniń daýys berýi úshin 136 daýys berý ýchaskesi belgilendi.
Interneti bar 42 ýchaskede dástúrli biýlletenmen, 94 ýchaskede onlain daýys berý josparlanyp otyr.
«Búginnen bastap úmitkerlermen kezdesý uiymdastyryp, úgit-nasihat jumystary týraly jan-jaqty aqparat berýdi bastadyq. Úmitkerlerimiz shetinen bilimdi, belsendi, óz kúshine senimdi. Bastysy elimizdiń damýyna múddeli. Biz olarǵa teń múmkindik berip, adal, ashyq túrde baq synaýlaryna bar jaǵdaidy jasaimyz», - dedi Erbol Danaǵulov.
