ۋكراينانىڭ قازٸرگٸ پرەزيدەنتٸ ەرٸ پرەزيدەنتتٸككە كانديدات پەتر پوروشەنكو ساياسي بەسەكەلەسٸ, تانىمال ەرتٸس ۆلاديمير زەلەنسكييدٸڭ ەكەۋارا پٸكٸرسايىستى ستاديوندا ٶتكٸزۋ تۋرالى ۇسىنىسىنا كەلٸستٸ. 31 ناۋرىزدا ۋكراينا پرەزيدەنتٸ سايلاۋىنىڭ العاشقى كەزەڭٸندە ەڭ كٶپ داۋىس جيناعان زەلەنسكيي ٶزٸنەن كەيٸنگٸ ورىنداعى پوروشەنكومەن كيەۆتەگٸ "وليمپييسكيي" ستاديوندا كەزدەسٸپ, پٸكٸر تالاستىرۋعا ەزٸر ەكەنٸن مەلٸمدەگەن.
پوروشەنكو سايلاۋ تۋرالى زاڭدا كانديداتتار پٸكٸرسايىسى ونداعان ميلليون ادام كٶرۋٸ ٷشٸن قوعامدىق تەلەارنا ستۋديياسىندا ٶتەدٸ دەپ كٶرسەتٸلگەنٸن ەسكەرتٸپ, ەيتكەنمەن دەباتتى ستاديوندا ٶتكٸزۋ تۋرالى زەلەنسكييدٸڭ ۇسىنىسىن قابىل العان. "بٸراق ستاديون بولسا, مەيلٸ. مەن سٸزدٸ كٷتەمٸن, ۆلاديمير الەكساندروۆيچ" دەپ مەلٸمدەدٸ پوروشەنكو Twitter ەلەۋمەتتٸك جەلٸسٸندەگٸ پاراعىندا جارييالاعان ۆيدەوروليكتە.
بۇعان دەيٸن پوروشەنكو Telegram-كانالىندا ساۋالناما جارييالاپ, "پرەزيدەنت سايلاۋى تۋرالى" زاڭدا كانديداتتار پٸكٸرسايىسى سايلاۋدىڭ ەكٸنشٸ كەزەڭٸ الدىنداعى جۇمادا تٸكەلەي ەفيردە ٶتەدٸ دەپ جازىلعانىن ەسكە سالدى. ساۋالناما جاۋاپ بەرگەندەردٸڭ كٶبٸ پٸكٸرسايىستى زاڭعا ساي ٶتكٸزۋدٸ جاقتاعان.
زەلەنسكييگە جاۋابىندا پوروشەنكو "پرەزيدەنت جەنە جوعارعى باس قولباسشى بولۋ" دەگەن "ويىن مەن ۇناۋعا تىرىسۋ" ەمەس دەپ مەلٸمدەدٸ. سايلاۋ پٸكٸرسايىسى ەلدەبٸر "شوۋ ەمەس" جەنە ونى "ستاديوندا قىزىقتاۋ ٷشٸن" ٶتكٸزبەيدٸ دەدٸ پوروشەنكو. ونىڭ سٶزٸنشە, ٶزٸ مەن بەسەكەلەسٸنٸڭ "گەوساياسي ساعاتتارىنىڭ تٸلدەرٸ" مٷلدە "قاراما-قارسى باعىتقا" قاراپ تۇر. پوروشەنكو ۋكراينانى ەشكٸمگە ەشقاشان تٸزە بٷكپەيتٸن ەۋروپالىق قۋاتتى مەملەكەت رەتٸندە كٶرگٸسٸ كەلەتٸنٸن ايتقان.
وسىنىڭ الدىندا ۆلاديمير زەلەنسكيي ەگەر كيەۆتەگٸ "وليمپييسكيي" ستاديونىندا ٶتكٸزۋگە كەلٸسسە, وندا پوروشەنكو شتابىنىڭ پٸكٸرسايىس ٶتكٸزۋ تۋرالى ۇسىنىسىن قابىل الۋعا ەزٸر ەكەنٸن مەلٸمدەگەن. بۇعا قوسا ول پٸكٸرسايىسقا بارلىق جۋرناليستەر قاتىستىرىلسىن, ونى تٸكەلەي ەفيردە كٶرسەتۋگە بارلىق تەلەارنالارعا رۇقسات بەرٸلسٸن دەگەن تالاپتار قويعان. زەلەنسكيي ٶزٸن پوروشەنكونىڭ "كرەملدٸڭ نەمەسە كولومويسكييدٸڭ قۋىرشاعى", "ۆاتنيك" جەنە "مالوروسس" دەپ ەمەس, "ۋكراينا پرەزيدەنتتٸگٸنە كانديدات" دەپ اتاۋىن تالاپ ەتكەن.
ۋكراينا ورتالىق سايلاۋ كوميسسيياسىنىڭ بەيسەنبٸدە جارييالاعان مەلٸمەتٸ بويىنشا, 31 ناۋرىزدا ٶتكەن پرەزيدەنت سايلاۋىنىڭ بٸرٸنشٸ كەزەڭٸندە سايلاۋشىلاردىڭ 30 پايىزدان استامى ۆلاديمير زەلەنسكييدٸ قولداعان, ال 16 پايىزعا جۋىعى پەتر پوروشەنكوعا داۋىس بەرگەن.
پرەزيدەنت سايلاۋىنىڭ ەكٸنشٸ كەزەڭٸ 21 سەۋٸرگە بەلگٸلەنگەن.
