ۋكراينا پرەزيدەنتٸ پەتر پوروشەنكو "اقش پرەزيدەنتٸ دونالد ترامپ رەسەيمەن كەلٸسٸپ العان" دەگەنگە سەنبەيتٸنٸن ايتتى, - دەپ جازادى ريا نوۆوستي.
پوروشەنكو اقش-قا ساپارى بارىسىندا ترامپپەن كەزدەسٸپ, كەيٸننەن امەريكا پرەزيدەنتٸمەن ٶتكەن كەزدەسۋدە ەگجەي-تەگجەيلٸ ەڭگٸمەلەسكەندەرٸن ايتتى. "ول رەسەيمەن ەرەكشە قارىم-قاتىناسى بار پرەزيدەنتكە ۇقسامايدى", - دەدٸ ۋكراينا پرەزيدەنتٸ Fox News باسىلىمىنا بەرگەن سۇحباتىندا.
ايتا كەتەيٸك, وسىعان دەيٸن امەريكانىڭ ارنايى قىزمەتٸندەگٸلەر رەسەيدٸ اقش دەموكراتييالىق پارتييا ۇلتتىق كوميتەتٸنٸڭ كومپيۋتەرلەرٸن بۇزدى دەپ ايىپتاعان بولاتىن. وسى نەگٸزدە ولار رەسەيلٸك تاراپ سايلاۋعا كيلٸگٸپ جاتىر دەگەن شەشٸمگە كەلدٸ. قازٸرگٸ ۋاقىتتا بۇل ٸسپەن فەدەرالدىق تەرگەۋ بيۋروسى مەن كونگرەستٸڭ ەكٸ پالاتاسى اينالىسىپ جاتىر. ال رەسەي بۇل ايىپتاۋلاردى جوققا شىعارىپ وتىر. رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ مۇنى "قۇرعاق دەلەلسٸز ايىپتاۋلار" دەپ اتادى.
