15 قاراشادا پولشا شىعىسىنا زىمىران قۇلاپ, ەكٸ ادام قازا بولدى. بۇل حابار سەيسەنبٸ كٷنٸ كەشكە پولشا اقپارات قۇرالدارىندا جارييالاندى. زىمىران قۇلاعانىن پولياك ٷكٸمەتٸنٸڭ ٶكٸلٸ پەتر ميللەر راستادى.
وقيعاعا بايلانىستى ەلدٸڭ پرەمەر-مينيسترٸ ۇلتتىق قاۋٸپسٸزدٸك جەنە قورعانىس مەسەلەلەرٸ بويىنشا مينيسترلەر كەڭەسٸ كوميتەتٸنٸڭ وتىرىسىن ٶتكٸزدٸ, دەپ جازادى ازاتتىق.
ۋكراينامەن شەكاراعا جاقىن جەرگە زىمىران تٷسكەنٸ جٶنٸندە حابار رەسەي ۋكراينانى جاپپاي راكەتالارمەن اتقىلاپ جاتقان كەزدە تاراعان. امەريكانىڭ جوعارى لاۋازىمدى تۇلعاسىنا سٷيەنگەن Associated Press اگەنتتٸگٸ رەسەي راكەتالارى پولياك شەكاراسىنان اسىپ كەتٸپ, اۋىل شارۋاشىلىعى فەرماسىنا تٷسكەن بولۋى مٷمكٸن دەگەن.
پولشا بيلٸگٸ مەن اقش ٶكٸلدەرٸ راكەتانىڭ قاي ەلگە تيەسٸلٸ ەكەنٸن ايتپادى. پەنتاگون مەن اقش مەملەكەتتٸك دەپارتامەنتٸ, ناتو ٶكٸلدەرٸ وقيعا جٶنٸندە اقپارات جيناقتاپ جاتقانىن مەلٸمدەدٸ.
پەتر ميللەر دە قاۋٸپسٸزدٸك كەڭەسٸ وتىرىسىنىڭ نەتيجەسٸ جٶنٸندە ەشتەڭە ايتپادى. تەك سولتٷستٸكاتلانتيكالىق وداقتىڭ 4-بابىنا سەيكەس كەڭەس مەحانيزمٸ ٸسكە قوسىلۋى مٷمكٸن ەكەنٸن جوققا شىعارمادى. پولشانىڭ بٸرقاتار ەسكەري بٶلٸمدەرٸ كٷشەيتٸلگەن دايىندىق رەجيمٸنە كٶشكەن.
پولشا – ناتو-عا مٷشە مەملەكەت. وداقتىڭ 4-بابىنا سەيكەس, وداققا مٷشە ەلدەردٸڭ بٸرٸنە قاتەر تٶنگەن شاقتا وداق مٷشەلەرٸ ٶزارا كەڭەس جٷرگٸزەدٸ. مەسەلە ناتو ەلدەرٸنٸڭ بٸرٸنە شابۋىل جاسالعان شاقتا ۇجىمدىق قورعانىس جٶنٸندە ايتىلعان 5-باپ تۋرالى بولىپ وتىرعان جوق.
"راديو ليۋبليننٸڭ" حابارلاۋىنشا, وقيعا 15 قاراشادا جەرگٸلٸكتٸ ۋاقىت بويىنشا ساعات 15:40-تا (استانا ۋاقىتىمەن ساعات 20:40-تا) بولعان. ول كەزدە ۋكراينانىڭ كٶپتەگەن ايماعىندا رەسەيدٸڭ راكەتا شابۋىلىنا بايلانىستى دابىل قاعىلعان. راكەتا شابۋىلىنان تۋىنداعان جارىلىس سەيسەنبٸ كٷنٸ ۋكراينامەن شەكارادان بەس شاقىرىم جەردەگٸ پولشانىڭ پشەۆودۋۆ اۋىلىندا بولعان.
رەسەي قورعانىس مينيسترلٸگٸ وقيعا ورنىنان تٷسٸرٸلگەن سۋرەتتەردە رەسەيلٸك راكەتانىڭ بٶلشەكتەرٸ جوق ەكەنٸن ايتتى.
اقش قورعانىس مينيسترلٸگٸ رەسەيلٸك راكەتا پولشا اۋماعىنا تٷستٸ دەگەن اقپاراتتى راستاي المايتىنىن مەلٸمدەدٸ. پەنتاگون ٶكٸلٸ پاتريك رايدەر ۆەدومستۆوعا ەزٸرگە باسپاسٶز مەلٸمەتٸ عانا بەلگٸلٸ ەكەنٸن, اقپارات تەكسەرٸلٸپ جاتقانىن ايتتى.
سەيسەنبٸ كٷنٸ كەشكە اقش پرەزيدەنتٸ دجو بايدەن پولشا باسشىسى اندجەي دۋدامەن سٶيلەستٸ. دۋدا سونىمەن بٸرگە ۋكراينا باسشىسى ۆلاديمير زەلەنسكييمەن دە سٶيلەسكەن.
