قازاقستاندا پوليتسييا قىزمەتكەرٸمٸن دەپ جالعان نٶمٸردەن حابارلاسىپ, الاياقتىق ەرەكەت جاسايتىنداردىڭ قاتارى ٶسٸپ بارادى. بۇل تۋرالى قر ٸشكٸ ٸستەر مينيسترلٸگٸنٸڭ ٶكٸلٸ شۇعىلا تۇرلىباي مەلٸم ەتتٸ, دەپ حابارلايدى قازاقپارات.
«ٸشكٸ ٸستەر مينيسترلٸگٸ قازاقستاندىقتاردى جاڭادان پايدا بولعان الاياقتىق ەرەكەت تۋرالى ەسكەرتەدٸ. سوڭعى ۋاقىتتا پوليتسييا جەنە باسقا دا قۇقىق قورعاۋ ورگاندارىنىڭ قىزمەتكەرٸمٸن دەپ جالعان نٶمٸردەن حابارلاساتىن الاياقتار كٶبەيٸپ بارادى. مىسالى, الاياق ٶزٸن تەرگەۋشٸمٸن دەپ تانىستىرىپ, ونلاين نەسيە رەسٸمدەۋگە قاتىستى پوليتسيياعا زارداپ شەگۋشٸلەردٸڭ شاعىم جاساپ جاتقانىن ايتادى. ارتىنشا ول ادامنان جەكە مەلٸمەتتەردٸ سۇراي باستايدى. ونداعى ماقسات – كليەنتتٸڭ جسن, بانك كارتاسى مەن ەسەپشوتىنا قول جەتكٸزۋ. ودان ەرٸ الاياقتىق ەرەكەت جاسايدى», - دەدٸ شۇعىلا تۇرلىباي مينيسترلٸكتە ٶتكەن باسپاسٶز مەسليحاتىندا.
مينيسترلٸك ٶكٸلٸ پوليتسييا قىزمەتكەرلەرٸنٸڭ ازاماتتاردان جەكە مەلٸمەتتەر مەن بانك ەسەپشوتىنا قاتىستى دەرەكتٸ سۇرامايتىنىن ەسكەرتەدٸ.
«ەگەر سٸزگە بەيتانىس ادام حابارلاسىپ, ٶزٸن پوليتسييا نەمەسە بانك قىزمەتكەرٸمٸن دەپ تانىستىرىپ جەكە مەلٸمەتتەرٸڭٸزدٸ سۇراسا دەرەۋ شارا قابىلداۋدى سۇرايمىز. سونىمەن قاتار بانك كارتاسى مەن ەسەپشوتتىڭ قۇپيياسٶزٸن ٶزٸڭٸزدەن باسقا ەشكٸم بٸلمەگەنٸ جٶن. سول سيياقتى بٶگدە ادامعا جەكە مەلٸمەتتەردٸ تاراتپاعان ابزال», - دەيدٸ ول.
